Հուլիսի 5–ին բացվելու է Երևան-Բեյրութ ուղիղ ավիաչվերթը, որի առիթով Հայաստան է ժամանելու լիբանանյան պաշտոնական ու գործարար շրջանակների մեծ ու ներկայացուցչական պատվիրակությունը։ Երևան-Բեյրութ չվերթները տեղի են ունենալու ամեն երկուշաբթի եւ ուրբաթ:
ՀՀ առևտրաարդյունաբերական պալատի մամուլի ծառայությունից հայտնում են, որ հուլիսի 6–ին ժամը 12-ին ողջ պատվիրակությունը հյուրընկալվելու է ՀՀ առեւտրաարդյունաբերական պալատում (Խանջյան 11), ուր երկու երկրների առևտրաարդյունաբերական պալատների նախագահներ Մարտին Սարգսյանը եւ Մոհամադ Չոքերը ստորագրելու են համագործակցության համաձայնագիր, որին հաջորդելու է մամուլի ասուլիսը։
Երևան » Բեյրութ և այլ ուղղություններով էժան ավիատոմսեր ամրագրելու համար այցելեք www.aviatomser.com
Պատվիրակության կազմում են լիբանանյան MEA ավիաընկերության գլխավոր տնօրեն Մոհամեդ ալ–Հութին, Լիբանանի արդյունաբերության նախարար, մեր հայրենակից Վրեժ Սաբոնջյանը, հայազգի նախկին նախարարներ եւ խորհրդարանի ներկայիս պատգամավորներ, Լիբանանի Կենտրոնական բանկի փոխնախագահ Հարություն Սամուելյանը, Լիբանանի Բանկերի ասոցիացիայի նախագահը, Լիբանանի արդյունաբերողների ասոցիացիայի նախագահը, բարձրաստիճան այլ պաշտոնատար այրեր, երկու երկրների դեսպանները, ընկերությունների ղեկավարներ, գործարարներ։ Այցը բացառիկ կարեւոր է եւ լուրջ ազդեցություն կունենա հայ–լիբանանյան տնտեսական կապերի զարգացման գործում, գրում է News.am-ը