Wikipedia-ն շուտով կգործարկի Wikivoyage զբոսաշրջային նախագիծը: Այն այժմ գտնվում է beta ռեժիմում:
Wikivoyage-ում տեղեկություններ կարող են հրապարակել բոլոր ցանկացողները, ինչպես Wikipedia-ում: Այս նախագծի գործարկման մասին տեղեկություններ հայտնվել էին դեռևս 2012-ի օգոստոսին, իսկ փորձնական տարբերակն աշխատում էր արդեն նույն թվականի նոյեմբերից:
Պաշտոնապես Wikivoyage-ը կգործի 2013-ի հունվարի 15-ից:
Ինչպես հայտարարել է Wikipedia-ի հիմնադիր Ջիմի Ուեյլսը, կայքը նախատեսված չէ նյութական օգուտ քաղելու համար, այդ պատճառով գովազդ այնտեղ չի լինի, սակայն կլինեն ստանդարտ տեղեկություններ հյուրանոցների, ռեստորանների, սրճարանների մասին, խորհուրդներ զբոսաշրջիկներին և այլ տուրիստական նյութեր:
«Wikivoyage-ը ազատ, ժամանակակից, ամբողջական և զբոսաշրջային հուսալի տեղեկությունների հրապարակման նախագիծ է՝ նախատեսված աշխարհի բոլոր երկրների համար: Որտեղ էլ որ զբոսաշրջիկները հանդիպեն, նրանք փոխանակվում են տարբեր վայրերի մասին տեղեկություններով: Մենք ցանկանում ենք այդ գործընթացը ավելի պարզեցնել և ներգրավել ավելի մեծ թվով մարդկանց», – ասվում է ռոսուրսի կայքում: