Ջեքոբ Թոմսկին, ովա վելի քան 10 տարի աշխատել է հյուրանոցում, հրատարակել է Heads in beads գիրքը, որում բացահայտում է շքեղ հյուրանոցների գաղտնիքները: Հեղինակը պատմում է այն մասին, թե ինչպես են հյուրանոցի աշխատակիցները վրեժխնդիր լինում հարուստ և հայտնի այցելուներից՝ ի պատասխան նրանց կոպտությանը և ամեն ինչ հիմա, այստեղ և անվճար ունենալու ցանկությանը: News.com.au (Ավստրալիայի նորություններ) կայքը մեջբերում է մի քանի հնարքներ, որոնք կիրառում է հյուրանոցի անձնակազմը՝ վրեժնդիր լինելով հյուրերից:
Էլեկտրոնային քարտը չի՞ բացում դուռը: Գուցե հյուրը իրեն վատ է պահել ընդունարանում: Այնտեղ սիրում են տեսնել, թե ինչպես է վերադառնում վրդովված հյուրը քարտը վերաակտիվացնելու համար:
Հոգնեցրե՞լ եք հավաքարարներին և սպասուհիներին: Ստուգեք հաշիվները և մինիբարը: Հյուրանոցի անձնակազմը սիրում է «գրոհել» հյուրերի մինիբարերի վրա և խաբել հաշվի մեջ: Նաև անուշադրության չմատնեք Ձեր ատամի խոզանակը: Նրանք կարող են «մաքրել» այն` առանց Ձեր ցանկության:
Սենյակի կեղտոտ բաժակների մասին Ձեր բողոքը կարող է հանգեցնել նրան, որ հատուկ Ձեզ համար դրանք կարող են լվանալ ոչ թե աման լվանալու հեղուկով, այլ կահույք փայլեցնելու հեղուկով, ինչը նրանց փայլ կհաղորդի:
Հյուրանոց մուտք գործելիս աղմուկ բարձրացնելու դեպքում Դուք կստանաք շատ ավելի վատ սենյակ, քան պետք էր, իսկ գիշերը Ձեզ կարող են արթնացնել՝ «սխալմամբ» զանգահարելով:
