Մինչ այն պահը, երբ սկսում ենք պատրաստվել ճանապարհորդությանը, մենք չենք էլ մտածում այն մասին, որ աշխարհի ոչ բոլոր երկրներում են մեր սարքերը համատեղելի էլեկտրական վարդակների հետ։
Այլ հոդվածներ
Ինչո՞ւ է դա այդպես։ Բանն այն է, որ գոյություն չունի մեկ ընդհանուր ստանդարտ բոլոր էլեկտրոցանցերի համար, այդ պատճառով հոսանքի լարումն ու հաճախությունը կարող են տարբերվել։ Այդպիսով, գոյություն ունեն 12-ից 15 տեսակի վարդակներ։
Н տեսակի վարդակներ դուք կհանդիպեք միայն Պաղեստինի և Իսրայելի տարածաշրջանում։ Իսկ խրոցը կարող է լինել ինչպես հարթ, այնպես էլ՝ կլոր (կախված նրանից, թե երբ է գնվել սարք)։
Ավստրալիայի, Նոր Զելանդիայի, Կուկա կղզիների, Նոր Գվինեայի տարածքում կարելի է հանդիպել մեզ անծանոթ I տեսակը։ Ի դեպ, երբեմն այս տեսակի վարդակներ հանդիպում են նաև Չինաստանում։
«Ամենաբարի» վարդակն աշխարհում, իրավամբ, կարելի է համարել դանիական վարդակը։ Շատ զբոսաշրջիկներ նշում են, որ նրա տեսքը նման է ժպտացող դեմքի, իսկ դուք ի՞նչ կասեք։ Ժպտացող վարդակը դասվում է К տեսակին և օգտագործվում է Դանիայում, Բանգլադեշում և Մալդիվներում։
Բրիտանական վարդակը պատկանում է G տեսակին և ունի ստեղծման հետաքրքիր պատմություն։ Երկրորդ համաշխարհային պատերազմի տարիներին երկրում պղնձի դեֆիցիտ էր։ Եվ մասնագետները ստեղծում են կարճ պատրույգով պղնձե խրոց։ Ժամանակակից աշխարհում նման վարդակ կարելի է հանդիպել ոչ միայն Մեծ Բրիտանիայում, այլև՝ Բրիտանական կայսրության ազդեցության տակ գտնված այլ երկրներում (Կիպրոս, Մալթա, Սինգապուր)։
Եթե դուք ժամանակին հոգաք ադապտերի մասին, ապա վարդակների տարբերությունը չի փչացնի ձեր հանգիստը։