Ցրտերը ընկնելու հետ մեկտեղ հյուսիսային երկրների բնակիչների մոտ արևին տաքանալու ցանկությունը էլ ավելի է ավելանում: Չնայած որ օրացույցին դեռ միայն նոյեմբերն է` ձմեռը կամաց-կամաց մոտենում է, բայց նոյեմբերին ամառ փնտրել հնարավոր է: Daily Mail-ի փորձագետները խորհուրդ են տալիս երեք ամենատաք ուղղությունները նոյեմբեր ամսվա համար:
Առաջին ուղղությունը Անտիգուա կղզին է. կղզու հարավում է գտնվում «Curtain Bluff» առողջարանը, որն էլ ռոմանտիկ, ծովահենային նավահանգիստ է, որտեղ էլ 1962 թվականին Howard Hulford-ը հյուրանոցը է կառուցել: Այստեղ հարմարավետ է, իսկ ամենակարևորը` արևոտ է և ունի հիանալի ավազային լողափ: Այդտեղ կա պրոֆեսիոնալ թենիսի կորտ, մարզասրահ և սպա կենտրոն: Կարելի է գնալ ձկնորսության կամ պարզապես զբոսանավով դուրս գալ ծով:
Երկրորդ ուղղությունը` արևային Մայամին է, Ֆլորիդա, ԱՄՆ: Մայամիում կարելի է ընտրել հյուրանոց գրպանին հարմար, սակայն այս դեպքում փորձագետները խորհուրդ են տալիս հանգիստ և էլեգանտ Mandarin Oriental Miami հյուրանոցը: Չնայած հյուրանոց նախընտրում են այցելել բիզնես զբոսաշրջիկները: Իսկ վերջին ժամանակներս հանգստացողների թիվը դարձել է դոմինանտ և այժմ այստեղ ավելի շատ հանգստացողներ են, ովքեր պարզապես արևայրուք են ընդունում լողավազանում կամ լողափում:
Հյուրանոցը ունի հիանալի ռեստորան, սպա, լողավազան և իր սեփական լողափը: Մայամիում կա բազմաթիվ հետաքրքիր տեսարժան վայրեր, որտեղ զբոսաշրջիկները ցանկության դեպքում կարող են այցելել, գլխավորը` հասցնեն բոլորը տեսնել:
Երրորդ ուղղությունը Կայմանյան կղզիներն են. այդտեղ տաք է և արևոտ, բայց հարկ է նշել, որ այստեղ այցելում են գործարար մարդիկ, չէ որ Կարիբյան կղզիները նաև ֆինանսական կենտրոն է:
Grand Cayman կղզու Ritz-Carlton հյուրանոցը նախընտրում են միլիարդատերերը, Daily Mail-ի փորձագետները այդտեղ եղել են և բոլորին խորհուրդ են տալիս, բայց իհարկե պարտադիր չէ Ռից հյուրանոցը, կան ավելի էժան տարբերակներ: Ռիցում կա շքեղ «Blue» ռեստորանը, որը ունի բազմազան մենյու, որն էլ հայտնի է աշխարհում, այդտեղի ավագ- խոհարարը Նյու Յորքի հայտնի խոհարար Eric Ripert-ն է:
