Լոնդոնյան Մադամ Տյուսոյի թանգարանում կհայտնվի ազգությամբ հայ ամերիկյան հեռուստաաստղ Քիմ Քարդաշյանի մոմե արձանը՝ սելֆի անելիս։ Այս մասին հայտնում է Lenta-ն՝ հղում անելով Time-ին։
Ինչպես գրում է պարբերականը՝ նրա ձեռքում կտեղադրվի խելախոս, որի օգնությամբ այցելուները կարող են սելֆի-լուսանկար անել Քարդաշյանի քանդակի հետ։ Կկարողանա, արդյոք, սելֆիի հեղինակը նույն պահին տեղադրել լուսանկարը սոցիալական ցանցերում, թե ոչ, Time-ը չի հստակեցնում։
«Երբ մենք դիրք էինք մտածում Քիմի արձանի համար, միանգամից պարզ դարձավ, որ նա պետք է սելֆի անի»,-պատմել է թանգարանի տնօրեն Էդվարդ Ֆուլլերը։
Մոմե Քարդաշյանի հետևում հայտնված ֆոնը մշտապես կփոփոխվի, քանի որ հայտնի է, որ սելֆիի սիրահար հեռուստադիվան ճիշտ է համաորում նույն ֆոնին կատարել առավելագույնը երեք ինքնանկար։
Քանդակը թանգարանում կհայտնվի հուլիսին (հստակ ամսաթիվը հայտնի չէ)։
34-ամյա Քիմ Քարդաշյանը ճանաչում է ձեռք բերել «Քարդաշյան ընտանիք» (Keeping Up with the Kardashians) ռեալիթի շոուից հետո, որի պրեմիերան տեղի է ունեցել 2007 թվականին ամերիկյան Е! հեռուստաալիքով։ 2014 թվականին Քիմն ամուսնացել է հայտնի ռեփեր Քանյե Ուեսթի հետ։