Աշխարհի ամենառոմանտիկ քաղաքներից մեկի իշխանությունները մտադիր են լուրջ հակահարված տալ ճայերին, որոնք իրենց շատ ագրեսիվ են պահում և հաճախ հարձակվում զբոսաշրջիկների վրա։ Արագաշարժ թռչունների համար թիրախ են հանդիսանում հիմնականում սնունդով շրջող մարդիկ։ 
Փետրավորների շատակերությունն ու համարձակությունը այնքան է մեծացել վերջին ժամանակներս, որ բացօթյա սրճարաններում սնունդ տեղափոխող մատուցողները ստիպված են լինում ծածկել ուտեստը։ Տեղական իշխանությունները արդեն մի քանի պայքարի միջոց են փորձել ճայերի դեմ, բայց մինչ օրս դեռևս պարտության են կրում սոված թռչունների դեմ պայքարում։ 
Նրանց հարձակումների դեմ Վենետիկի հերթական քայլերից մեկը կլինի եթերային յուղերի բույրով մեծ սրսկիչների տեղադրումը, որը տհաճ է ճայերին։ Ընդ որում, համակարգի հեղինակները նշում են, որ իրենց գյուտը անվնաս է թռչունների համար։
Դե ինչ, տեսնենք, թե ինչը կհաղթի ճայերին․ տհաճ բույրից զզվանքը, թե հեշտ որսի գայթակղությունը։