2012 թվականի հունիսի 23-ին Holland America տուրիստական ընկերության Zuiderdam նավը Կանադայի Վանկուվեր քաղաքից կուղևորվի թեմատիկ ճանապարհորդության: Վամպիրների մասին ֆիլմերին և նրանց հետ կապված ամեն ինչին տուրք տալով` Holland America-ն ստեղծել է հատուկ «վամպիրային» ուղևորություն: Ճանապարհորդության մեկ շաբաթվա ընթացքում նավամատույցում կանցկացվի վամպիրային դիմակահանդես, լավագույն վամպիրային հագուստի մրցույթ, ինչպես նաև` ուղևորների համար կանցկացվի «Արնախումները փնտրում են տաղանդ» մրցույթը:
Վամպիրների մասնագետ և նրանց մասին բազմաթիվ գրքերի հեղինակ Ջոն Էդգար Բրաունինգը ծրագրում է նաև անցկացնել վամպիրային կինոփառատոն: Ուղևորության հյուրերի թվում կլինի «Դրակուլա» -ի հեղինակ Բրեմ Սթոկերի ազգակից Դակր Սթոկերը, հայտնում է USA Today-ը:
Ուղևորությունը կլինի դեպի Ալյասկա: Մասնակիցները կարող են այցելել Ջունո (Juneau), Գլասյե-Բեյ (Glacier Bay), Սկագուեյ (Skagway) և Կետչիկան (Ketchikan): Ուղևորության մասնակցության գինը 999 դոլար է:
