Հարրի Փոթերի թեմատիկ այգին (The Wizarding World of Harry Potter) բացվեց Ֆլորիդայում 2010 թվականին և դարձավ այնքան ճանաչված, որ Universal Studios ընկերությունը որոշում է կայացրել բացել երկրորդ այգին արդեն Լոս Անջելեսում: Universal-ը հուսով է կրկնել Օռլանդոյի ատրակցիոնի հաջողությունը հիմա արդեն Հոլիվուդի նոր այգում` ստեղծելով Հոգվարթս ամրոցը և Հոգսմիթ գյուղակը: Օռլանդոյում մեկ տարվա ընթացքում այգի է այցելել 7 միլիոն մարդ:
Նոր այգին բոլորովին կտարբերվի Ֆլորիդայի այգուց և առավելագույնս մոտ կլինի Ջոան Ռոլինգի սյուժեին, սակայն կազմակերպիչները չեն բացում բոլոր գաղտնիքները: Այգու շինարարությունը կտևի 3-4 տարի, իսկ մինչ այդ Փոթերի երկրպագուները կարող են այցելել Ֆլորիդայի կամ Լոնդոնի այգիները: Իսկ զբոսաշրջիկներին հրավիրում են Harry Potter Studio Tour 2012 թվականի մարտի 31-ից: Տոմսերն արդեն վաճառված են:
