Եկեք ընդունենք, որ ժամանակակից աշխարհում այնքան էլ շատ վայրեր չեն մնացել հրաշքի համար: Չնայած չէ, եկեք դա չընդունենք: Վերջ ի վերջո ինչ համար են այն հուշարձանները, որոնք հաջողություն են բերում: Աշխարհով մեկ սփռված հուշարձանները իրենց հպվողներին վստահեցնում են, որ բոլոր երազանքները կիրականանան. խոշոր դրամական շահումներ, երջանկություն սիրո հարցում և այլն: Իսկ թե ինչի է ունակ անշարժ բրոնզը, եթե գտնեք փոքր ինչ ռոմանտիզմ ձեր հոգու և հուշարձանի հպման մեջ, ներկայացնում ենք ստորև:
Փարիզ, Սֆինքս Օսկար Ուայլդի շիրմաքարին
Ոչ միայն Ուինսթոն Չերչիլին են սիրում մարդիկ. երկրպագուների քիչ բանակ չունի նաև Օսկար Ուայլդը: Գրողի շիրմաքարին ի հիշատակ նրա հայտնի բանաստեղծություններից մեկին` տեղադչված է բրոնզե սֆինքս: Այն այնքան է սրբատաշվել դասական գրականության սիրահարների հպումմներից, որ արևային օրերին նույնիսկ գերեզման մտնելիս է աչքի ընկնում: Վերջին տարիներին Օսկարի գեղեցիկ երկրպագուհիների և ընթերցողուհիների մոտ ձևավորվել է հուշարձանի պատվանդանի վրա շրթներկի մուգ հետք թողնելու ավանդույթը: Այսպիսով, նրանք ոչ միայն արտահայտում իրենց սերը գրողի հանդեպ, այլև մեծացնում են իսկական սեր գտնելու իրենց հնարավորությունները: Քանի որ մարդկային սիրո մշտական դրսևորումները վատ են անդրադառնում հուշարձանի նյութի որակի վրա, որոշում է կայացվել նրա մոտ տանող արահետը սահմանափակել ապակե արգելապատնեշով: