Միացյալ Թագավորություն․ Այս ամառ Բուքինգեմյան պալատում զբոսաշրջիկներին սպասվում է թագավորական ընդունելություն
Բուքինգեմյան պալատը այս ամռանը կընդունի զբոսաշրջիկներին այնպես, ինչպես՝ պետությունների ղեկավարներին։ Որոշակի վճարի դիմաց զբոսաշրջիկները կարող են առաջին անգամ շենք մտնել գլխավոր մուտքից, որով ընդունում են բարձրաստիճան անձանց․ գրում է Evening Standard Magazine-ը։
Որպես ամենամյա ամառային սեզոնի մաս, որը այս տարի կանցկացվի «Թագավորական ընդունելություն» անվան ներքո, այցելուները կարող են պատկերացում կազմել այն մասին, թե ինչ ասել է արքայական հյուրընկալություն։
Զբոսաշրջիկներին կպատմեն, թե ինչպես է պալատը ընդունում տարեկան 62 000 հյուրերին, անցկացնում պաշտոնական բանկետներ, պարգևատրման արարողություններ, ընդունելություններ այգում և մասնավոր լսարաններով։ պարահանդեսային սրահը կձևավորվի ճիշտ այնպես, ինչպես պաշտոնական ընդունելությունների ժամանակ․ նալի տեսքով սեղան, որը զարդարված կլինի ոսկեզօծ արծաթյա պարագաներով, կունենա 170 տեղ և 2 000 սպասք։
Զբոսաշրջիկները կարող են տեսնել զգեստները և զարդերը, որոնք թագուհին կրում է պաշտոնական ընդունելություններին։ Ինչպես նաև՝ ցուցահանդեսին կարելի է տեսնել սուրը և գահը, որը օգտագործում են թագուհին և արքայական ընտանիքի մյուս անդամները պարգևատրման արարողության համար։ Այս տարի Բուքինգեմյան պալատ այցելությունների ամառային սեզոնը կտևի հուլիսի 25-ից սեպտեմբերի 27-ին։