Բացառիկ հնարավորություններ հաշմանդամություն ունեցող մարդկան հանգստի համար՝ Բուրգասի լողափում

Բուրգասի  հյուսիսային լողափում կհայտնվեն յուրահատուկ լողացող աթոռներ, որոնք նախատեսված են սահմանափակ կարողություններ ունեցող մարդկանց համար, որոնց օգնությամբ նրանք  կարող են ծով մտնել: Բացի դա, այդպիսի զբոսաշրջիկներին  ջրի մեջ կուղեկցի օգնականը և փրկարարը: Լողացող աթոռից օգտվելը կլինի անվճար:

Ինչպես հայտնում է Black Sea News-ը՝ Բուրգասի հյուսիսային լողափը համարվում է առաջինը Բուլղարիայում, որ այդպիսի հնարավորություն է ընձեռում սահմանափակ կարողություններ ունեցող մարդկանց համար: Ինչպես նաև, նման  այցելուների համար լողափում կկառուցվեն առանձին վայրեր, իրենց զուգարաններով և անվճար հովանոցներով հանգստի գոտիներ: Իր մեծությամբ բուլղարական չորրորդ քաղաքը` Բուրգասը, գտնվում է երկրի հարավ-արևելքում:

Լողափների նորարարությունները կապված են նոր պահանջների հետ  և  որակի «Կապույտ դրոշ» չափանիշներին համապատասխան: Այս օրերին Բուրգասի տարածաշրջանի հյուսիսային լողափում ակտիվորեն  ընթանում են ամառային սեզոնի բացման նախապատրաստական աշխատանքները: Հատուկ մեքենաները հավասարեցնում են ավազե թմբերը, որոնք կառուցվել են ձմռան ամիսների ընթացքում` ծովի ալիքների վնասից խուսափելու համար: