Մեծ Բրիտանիա. Ճանապարհորդության մեկնելիս բրիտանացիները զինվում են և ալկոհոլ պահեստավորում
2013/2014 թվականներին բրիտանական օդանավակայաններում առգրավվել է ավելի քան 600 հրազեն: Անցած սեզոնին առգրավվել է 412 հրազեն, իսկ 2010/2011 սեզոնին՝ ընդամենը 278: The Telegraf -ը նշում է, որ բրիտանացիները ոչ միայն զինվում են, այլև՝ պահեստավորում ալկոհոլ՝ դատելով այն բանից, թե ինչ քանակությամբ ալկոհոլ են բռնագրավել օդանավակայանի աշխատակիցները այս սեզոնին: 2010/2011 թվականին գրանցվել է ալկոհոլի առգրավման միայն 984 դեպք, անցած սեզոնին՝ արդեն 1599, իսկ այս սեզոնին սահմանին բռնագրավվել է ընդհանուր առմամբ 56.5 միլիոն լիտր ալկոհոլ, այդ թվում՝ 40.8 միլիոն լիտր գարեջուր և 11.5 միլիոն լիտր գինի, ինչը 35.4 միլիոն լիտրով ավելին է, քան 2010/2011 սեզոնին: Այս ուսումնասիրությունը անցկացրել է Barrington Freight ընկերությունը: Իսկ հրազենների թիվը ներառում է գազային հրազենի և զենքի իրատեսական իմիտացիան: