British Airways-ը սկսում է փոխել նստատեղերը 95 А320 ինքնաթիռներում: Նոր կաշվե նստատեղերը կտեղադրվեն երկու դասերում՝ Euro Traveller (էկոնոմ) և Club Europe (բիզնես դաս):
Այլ հոդվածներ
Ինչպես գրում է Business Traveller-ը՝ А320 շարքի ինքնաթիռներում, որոնք գործում են կարճ չվերթների համար, կտեղադրվեն նոր նստատեղեր, բացի այդ՝ կկրճատվի տեղերի միջև եղած հեռավորությունը: Բիզնես դասի ուղևորների համար տարածքը կփոքրանա 34-ից 30 դյույմով:
Այդ կերպ ավիաընկերությունը կմեծացնի նստատեղերի քանակը ինքնաթիռում: А319-ը կունենա 143 տեղ, А320-ը՝168 տեղ, А321-ը՝ 205 տեղ: Նորացված սրահով А320 ինքնաթիռը արդեն կատարել է իր առաջին թռիչքը Լոնդոնից Կիև: Բոլոր 95 ինքնաթիռները կնորացնեն այս տարվա ընթացքում: