Փարիզի երկու շրջաններում արգելվել է ալկոհոլային խմիչքների վաճառքը

Փարիզի իշխանությունները, գիշերային հանցագործությունների դեմ պայքարի շրջանակներում,   արգելել են X և XIX թաղամասերում ալկոհոլային խմիչքներ օգտագործումը: Արգելքը կգործի մինչև հոկտեմբերի 31-ը: Ալկոհոլի օգտագործումը կարգելվի երեկոյան ժամը 21:00-ից մինչև առավոտյան ժամը 7-ը:

Տարածքը, որտեղ կգործի նոր օրենքը, ներառում է նաև Ստալինգրադյան ճակատամարտի հրապարակը, Սենայի և Լուարի առափնյա շրջանները: Ռեստորաններում և ալկոհոլի մանրածախ վաճառքի կետերում, որոնք ունեն ալկոհոլի վաճառքի թույլտվություն,  արգելքը չի գործի: Լիոնում նույպես  արգելված է ալկոհոլի վաճառքը. ժամը 22:00-ից սպիրտային խմիչքերը չեն վաճառվում քաղաքի խանութներում: Օրենքը կգործի ամբողջ ամառվա ընթացքում, մինչև սեպտեմբերի 10-ը: