Երկու թի, հենակներ և այլ տարօրինակ իրեր, որոնք գտնվել են «Օկտոբերֆեստից» հետո
Աշխարհի ամենամեծ գարեջրային «Օկտոբերֆեստ» փառատոնի կազմակերպիչները ամփոփել են այն։ Երկուսուկես շաբաթվա ընթացքում 6,2 միլիոն հյուրերը խմել են 7,5 միլիոն լիտր փրփրուն ըմպելիք։ Այդ մասին հայտնում են գերմանական ԶԼՄ-ները։
2017 թվականին «Օկտոբերֆեստ» այցելել է 800 հազարով ավել մարդ, քան՝ անցյալ տարի։ Գարեջուրը ևս 1,4 լիտրով ավել է խմվել։
Եվս մեկ ամփոփիչ ցուցանիշ է հանդիսանում կորցրած իրերի քանակը։ Գտնված իրերի բյուրո է ուղարկվել ավելի քան չորս հազար իր։ Ամենից հաճախ հյուրերը կորցրել են բջջային հեռախոսներ, դրամապանակներ և անձը հաստատող փաստաթղթեր։ Բացի այդ, ցանկում հայտնվել են երկու թի, մանկական ավտոմոբիլային նստատեղեր, հենակներ, ատամնային պրոթեզ և նույնիսկ տաբատ։ Իսկ մի «հաջողակ» զրկվել է ամուսնական մատանուց։
Ամեն տարի ոստիկանությունը, որն աշխատում է «Օկտոբերֆեստի» համար, հաշվում է այն բաժակները, որոնք փառատոնի հյուրերը փորձում են իրենց հետ տանել՝ որպես հուշանվեր։ Դրանց թիվն հասել է 120 հազարի։ Հետաքրքիրն այն է, որ դրա համար ոստիկանությունը չի տուգանում, այլ՝ բանավոր դիտողություն անում։
Հիշեցնենք, որ «Օկտոբերֆեստն» անցկացվում էր 184-րդ անգամ Մյունխենում սեպտեմբերի 16-ից հոկտեմբերի 3-ին։