Սանկտ Պետերբուրգի Էրմիտաժ պետական թանգարանը չանաչվել է Եվրոպայի լավագույն թանգարանը TripAdvisor զբոսաշրջային պորտալի օգտատերերի կարծիքով: Էրմիտաժը վարկանիշային աղյուսակում առաջ է անցել փարիզյան Օրսե թանգարանից և Ֆլորենցիայի Գեղարվեստի ակադեմիայից:
Հաղթողների ցանկը հրապարակվել է TripAdvisor-ի կայքում: «Աշխարհի ամբողջ գեղեցկությունը մեկ թանգարանում է: Դա հնարավորություն կտա ձեզ ճանապարհորդություն կատարել մոլորակի ցանկացած վայր և ցանկացած ժամանակաշրջան», Էրմիտաժի մասին ասում են կայքի մասնագետները:
TripAdvisor-ը ներկայացրել է ոչ միայն եվրոպական, այլև՝ համաշխարհային վարկանիշային աղյուսակը, որում Էրմիտաժը գտնվում է երրորդ հորիզոնականում՝ զիջելով Չիկագոյի արվեստների ինստիտուտին և Մեքսիկայի մարդաբանության ազգային թանգարանին: Ընդհանուր առմամբ վերլուծվել է օգտատերերի կարծիքները և ակնարկները աշխարհի 509 մշակութային հաստատությունների մասին: