Virgin Atlantic Airways ավիաընկերությունը հարցում է անցկացրել իր ուղևորների շրջանում և պարզել, թե ում նրանք կցանկանային տեսնել թռիչքի ժամանակ հարևան նստատեղին։ Առաջատար են դարձել Ջոննի Դեփն ու Ադելը։ Հետազոտության արդյունքները հրապարակվել են ավիափոխադրողի բլոգում․ գրում է Lenta-ն։
Իդեալական հարևան-տղամարդկանց թվում հայտնվել են նաև Լեոնարդո Դի Կապրիոն և Ռայան Ռեյնոլդսը, իսկ կանանցից՝ երգչուհի Թեյլոր Սվիֆթը և Անջելինա Ջոլին։
Հարցման մասնակիցներին նաև հարցրել են, թե ճանապարհորդների որ հատկություններն են նրանք համարում անտանելի։ Առաջին տեղում հայտնվել են տհաճ բուրող ուղեկցորդները (նրանց դեմ արտահայտվել են 31 տոկոսը), երկրորդում՝ նրանք, ովքեր զբաղեցնում են համատեղ արմնկակալը (17 տոկոս)։ Եռյակը եզրափակում են խռացնող զբոսաշրջիկները (16 տոկոս)։ Դժգոհություն են առաջացնում նաև շատախոս հարևանները և հիպերակտիվ երեխաները։
Միևնույն ժամանակ, հարցման մասնակիցները նշել են, որ կներեին Ջոննի Դեփին և Ադելին ցանկացած անտանելի սովորություն։
Ավելի վաղ հայտնել էինք, որ Բրիտանական The Daily Mail պարբերականը հրապարակել է հորինված անունների ցանկ, որոնք օգտագործում են աստղերը հյուրանոցում գրանցվելիս, որպեսզի աննկատ մնան։