Թայլանդական Նոնգխայ նահանգի լեռներում՝ երկրի հյուսիս-արևելքում բացվել է U-աձև դիտահարթակ ամբողջովին թափանցիկ նյութից, որն այցելուների մոտ արևադարձային անտառի վրայով թռչելու պատրանք է ստեղծում։ Ատրակցիոնը ստացել է Sky Walk անվանումը։
Հարթակը գտնվում է Վատ Պհա Տակ Սուա (Wat Pha Tak Sua) տաճարի տարածքում, որը գտնվում է Մեկոնգ գետի ափին՝ Սանգկհոմ (Sangkhom) քաղաքից 18 կիլոմետր հեռավորության վրա։ Դիտահարթակի և հատակը, և պատնեշը, որը միաժամանակ կարող է պահել 20 մարդու, պատրաստված են ամուր ապակուց։ Ատրակցիոնի հեղինակները թերահավատներին վստահեցնում են, որ այն լիովին անվտանգ է․ այս ստեղծելիս հաշվի է առնվել տեղի կլիմայական պայմանների առանձնահատկությունները, այդ թվում՝ ուժեղ քամին։ Օտարերկրացի հյուրերի համար դիտահարթակի տոմսը արժի 400 բատ ($11,5)։