Շաբաթ օրը` օգոստոսի 25-ին, ավստրիական մայրաքաղաքում քսանհինգերորդ անգամ կանցկացվի հանրահայտ «Gürtel Nightwalk» երաժշտական փառատոնը, որը կբացվի քաղաքային գրադարանի տանիքին վիեննացի հանրահայտ փոփ երաժիշտներ Fuzzman-ի և Stefanie Sourial-ի ելույթներով. հայտնում է COMPRESS-ը: Փոփ փառատոնի անցկացման վայրեր նախատեսված են ակումբները, ռեստորանները, որոնք գտնվում են Գյուրտել օղակաձև ճանապարհին` Chelsea-ն, Rhiz, B72-ը, Cafe Concerto-ն, The Loft-ը, Ragnarhof-ը և Werk-ը: Երաժիշտները և երգիչները ելույթ կունենան ինչպես բացօթյա բեմերից, այնպես էլ փակ դահլիճներում: Այս տարի փառատոնին կմասնակցեն ավստրիական The Sado Maso, Sex Jams, Thousand Fuegos, Morbidelli Brothers, Sawoff Shotgun և The Beth Edges խմբերը: Փառատոնին հասարակությանը կգրավի տոնի ուրախ և հատուկ մթնոլորտը, այստեղ կարելի է լավ ժամանակ անցկացնել ընկերների հետ միասին: Մուտքը բոլոր ելույթներին անվճար է:
Այլ հոդվածներ