Զբոսաշրջիկը թղթային նամակ է ուղարկել ավիաընկերությանը և հասել փոխհատուցման
Մեր մոլորակի շատ բնակիչների համար նամականիշով ծրարով թղթային նամակը մնացել է անցյալում։ Դրանց եկել են փոխարինելու հարմարավետ էլեկտրոնային նամակները և բազմաթիվ հավելվածները։ Սակայն ԱՄՆ-ից զբոսաշրջիկին հաջողվել է պատասխան ստանալ ավիաընկերությունից հենց ձեռագիր նամակի շնորհիվ։
Ալեքս Համբերգերը գնել է առանց վերադարձի իրավունքի տոմս American Airlines ավիաընկերության Բուֆֆալո-Քանզաս Սիթի չվերթի համար։ Տղամարդը մտադիր է եղել այցելել քրոջը և նրա նորածին դստերը, սակայն թռիչքից մի քանի օր առաջ նրա առողջությունը վատացել է․ ինֆեկցիոն հիվանդությունը խառնել է ճանապարհորդի պլանները և ստիպել հրաժարվել ճանապարհորդությունից։
Փոխելով թռիչքի ամսաթիվը՝ զբոսաշրջիկը ստիպված է եղել վճարել $200 դոլար տուգանք։ Տղամարդը որոշել է ավիաընկերության գլխավոր գրասենյակ ուղարկել ձեռագիր նամակ՝ խնդրի մանրամասն բացատրությամբ և քրոջ ու նրա դստեր լուսանկարով։ Այս անսովոր մոտեցումը հուզել է ավիաընկերության ներկայացուցիչներին, ովքեր փոխհատուցել են զբոսաշրջիկին լրացուցիչ վճարները և թույլատրել ընտրել տոմս Քանզաս Սիթիի այլ չվերթի համար։