Հայտնիների սիրելի հյուրանոցների թոփ-10-ը

By Sir Telimyan On Apr 25, 2015 180

Ճանապարհորդությունն աշխարհով մեկ աստղերի կյանքի անբաժանելի մասն է կազմում։ Նկարահանումներ, համերգներ, հյուրախաղեր, պրեմիերաներ, շնորհանդեսներ և պարզապես մարդկային հանգիստ, վերջիվերջո․ սելեբրիթիները հյուրանոցներում ավելի շատ ժամանակ են անցկացնում, քան սեփական տանը, և բնական է, որ այդ ոլորտում ունեն իրենց սիրելիները։ Ձեզ ենք ներկայացնում հյուրանոցներ, որտեղ ձեր համարի հարևանությամբ կարող է կանգ առնել որևէ աստղ։

ԳՎԻՆԵԹ ՓԵԹՐՈՈՒ, THE RITZ, ՓԱՐԻԶ

Բացման առաջին իսկ օրից այս հյուրանոցը դարձել է շքեղ կյանքի հոմանիշ։ 1898 թվականի համար յուրաքանչյուր համարում լոգասենյակն ու հեռախոսը իսկական առաջընթաց էին։ Իր ավելի քան մեկդարյա պատմության ընթացքում փարիզյան The Ritz-ը տեսել է բազմաթիվ լեգենդար աստղերի․ սկսած քաղաքական գործիչներից, մինչև՝ արվեստի էլիտայի ներկայացուցիչները։ Հյուրանոցը մինչ այժմ պահպանում է իր գրավչությունը։ Օրինակ՝ Գվինեթ Փեթրոուն նախընտրում է բնակվել հենց այստեղ։

ԴԵՅՎԻԴ ԲԵՔՀԵՄ, HASSLER ROMA, ՀՌՈՄ

Այլ հոդվածներ

Երևան-Փարիզ թռիչքներ Transavia ավիաընկերության կողմից

Apr 1, 2022

Հայտնի են աշխարհի ամենաթանկ հյուրանոցային համարները

Jul 31, 2018

Ընտրվել են Եվրոպայի ամենազբոսաշրջային քաղաքները

Jul 12, 2018

Թոփ-10 վայրերը երեխաների հետ հանգստի համար

Jul 11, 2018

Hassler Roma-ն հանդիսանում է Եվրոպայի ամենահայտնի հյուրանոցների մեկը։ Խելահեղ տեսարանները նրա գլխավոր առանձնահատկություններից մեկն է։ Օրիգինալ ճարտարապետությունը, հրաշալի հնաոճ իրերը և յուրօրինակ դիզայնը այն դարձնում են հայտնիներից շատերի սիրելի վայրը, օրինակ՝ այստեղ սիրում են կանգ առնել Բեքհեմները։

ՀԱՅԴԻ ԿԼՈՒՄ, Das Triest, ՎԻԵՆՆԱ

Վիեննական նախկին ձիաբուծարանի տեղում այժմ կանգնած է գեղեցկագույն Das Triest հյուրանոցը։ Չնայած իդեալական դիրքին՝ սկզբում այն այնքան էլ շքեղ հյուրանոց չէր։ Բայց դիզայնի կտրուկ փոփոխությունը այն դարձրեց Ավստրիայի լավագույն հյուրանոցներից մեկը։ Երբ Հայդի Կլումը մեկնում է Վիեննա, ընտրում է Das Triest-ը։

Любимые отели знаменитостей | галерея [2] фото [1]

Любимые отели знаменитостей | галерея [2] фото [2]

Любимые отели знаменитостей | галерея [2] фото [3]

Любимые отели знаменитостей | галерея [2] фото [4]

ՄԱԴՈՆՆԱ, THE METROPOLITAN, ԼՈՆԴՈՆ

The Metropolitan-ի հյուրերը կարող են հիանալ Գայդ պարկի կանաչով՝ միևնույն ժամանակ մնալով Լոնդոնի կենտրոնում։ Եվ այս պարադոքսալ երկակիությունը դրսևորվում է ամեն ինչում․ հյուրանոցի շենքում է գտնվում բրիտանական մայրաքաղաքի ամենանորաձև բարերից մեկը, բայց, միևնույն ժամանակ, նրանց, ովքեր ցանկանում են լիցքաթափվել, առաջարկվում է վերականգնողական ծրագիր և յոգայի դասընթացներ։ The Metropolitan-ում կարելի է հանդիպել Մադոննային, ով այս հյուրանոցի երկրպագուն է։

ԱՐՔԱՅԱԶՆ ՈՒԻԼՅԱՄ, THE TAJ MAHAL PALACE, ՄՈՒՄԲԱՅ

Հնդկական The Taj Mahal Palace-ը արդանացնում է իր անվանումը և ավելի շատ նման է պալատի, քան հյուրանոցի։ Նրա հիմնադիրը՝ հնդիկ գործարարը, ով ապրել է XIX-րդ դարում, արել է ամեն ինչ, որպեսզի կառույցը շքեղ տեսք ունենա։ Պարահանդեսային սրահի ցանցակար մետաղական սյուները հատուկ պատվերով պատրաստել է հենց Գուստավ Էյֆելը: Հյուրանոցը իսկապես արքայական է ստացվել և ուղիղ, և փոխաբերական իմաստներով։ «Պալատի» համարներում հաճախ կանգ են առնում բրիտանական թագավորական ընտանիքի անդամները, մասնավորապես՝ արքայազն Ուիլյամը։

Աշխարհի ամենաշքեղ հյուրանոցներից մեկը՝ Դուբայի Burj Al Arab-ը, ունի առագաստի տեսք և կանգնած է հենց Պարսից ծոցի ջրերում՝ աձագոտուց 280 մետր հեռավորության վրա։ Այս վայրը չէր կարող չգրավել սուպերմոդել Կլաուդիա Շիֆերի ուշադրությունը, ով յոթաստղանի այս հյուրանոցի մշտական հաճախորդն է համարվում։

Ռոբերտ դե Նիրոն որոշել է մրցակցեն նյույորքյան լավագույն հյուրանոցների հետ և առաջարկել հյուրանոցային լյուքսի սեփական տարբերակը։ Greenwich Hotel-ի բացումը տեղի է ունեցել 2008 թվականին, և այդ ժամանակից ի վեր այն լի է կինոաստղերով․ ո՞վ կհրաժարվի գիշերել դե Նիրոյի հյուրընկալությամբ։

ՋԵՆԻՖԵՐ ԷՆԻՍԹՈՆ, ONE & ONLY PALMILLA, ԼՈՍ ԿԱԲՈՍ

One&Only Palmilla հյուրանոցում հյուրերին դիմավորում են մեկ գավաթ տեկիլայով, որպեսզի հաճախորդները միանգամից զգան հյուրընկալ Մեքսիկայի մթնոլորտը։ Ջենիֆեր Էնիսթոնի համար Լոս Կաբոսի առողջարանը հանգստի լավագույն վայրերից մեկն է։

ՈՒԻԼ ՍՄԻԹ, BELMOND COPACABANA PALACE, ՌԻՈ ԴԵ ԺԱՆԵՅՐՈ

Մեկնելով Ռիո դե Ժանեյրո՝ Ուիլ Սմիթը մշտապես կանգ է առնում հեղինակավոր Belmond Copacabana Palace հյուրանոցում։ Հետաքրքիր է, որ 1980-ականների կեսերին շենքը ցանկացել են քանդել, բայց վերանորոգումից հետո հյուրանոցը կրկին դարձել է գրավիչ վայր զբոսաշրջիկների համար։ Իսկ այսօր Belmond Copacabana Palace-ը Ռիոյի մշակութային ժառանգության մի մասն է։

ՄԱՐԻՈՆ ԿՈՏԻՅԱՐ, MAJESTIC BARRIÈRE, ԿԱՆՆ

Հյուրանոցը շրջապատված է շքեղ բուտիկներով (Gucci, Prada, Dior, Boucheron, Van Cleef&Arpel, Bulgari, etc.) Կրուազետ հայտնի ափագոտում՝ ոչ պակաս հայտնի Փառատոնների և կոնգրեսների պալատի առջև։

Բնականաբար, հյուրանոցում, առաջին հերթին, սիրում են բնակվել համաշխարհային կինոաստղերը, ովքեր գալիս են մասնակցելու Կաննի կինոփառատոնին։ 89 հրաշալի սուիթներից բացի նրանց տրամադրության տակ են նա շքեղ ապարտամենտ-պենտհաուսները՝ Suite Christian Dior-ը, որը ստեղծվել է լեգենդար fashion-ապրանքանիշի ոգով, և Suite Majestic Barrière-ը, որը ճանաչվել է աշխարհի լավագույն luxury-սուիթներից մեկը։ Թեև մնալ Դիորում չի ստացվի, քանի որ ամեն տարի Կաննի փառատոնի ընթացքում այստեղ տեղ է գտնում Christian Dior նորաձևության տան շոու ռումը, որտեղ դերասանուհիները գալիս են կարմիր գորգի համար զգեստ ընտրելու և դիմահարդարում ու սանրվածք անելու։ Հյուրանոցի մշտական հյուրերն են ֆրանսիացի դերասանները։ Օրինակ՝ Մարիոն Կոտիյարը այստեղ գալիս է ընտանիքով և արդեն ծանոթ է հյուրանոցի գրեթե ամբողջ անձնակազմին։