Այն համարձակները, ովքեր պատրաստ են տատու անել Airberlin ավիաընկերության տարբերանշանն ու «not established since 1978» կարգախոսը, կարող են շահել անվճար շուրջերկրյա ճանապարհորդություն։ Մրցույթն անցկացվում է միայն Բեռլինում, բայց ավիափոխադրողի ներկայացուցիչը հաստատել է, որ դրան կարող են մասնակցել բոլոր ցանկացողները աշխարհի ցանկացած երկրից։
Միայն թե պետք է մեկնել Գերմանիայի մայրաքաղաք և այնտեղ անել դաջվածքը։ Պատկերը (նվազագույնը՝ 8 х 3,5 սմ) կարող է արվել սև կամ կարմիր ներկանյութով։ Այն չի կարելի է անել բիկինիի հատվածում։ Եթե ցանկանում եք մասնակցել մրցույթին, պատարստ եղեք զոհել մեջքը, ոտքը կամ ձեռքը։ Ակցիայի կանոնների համաձայն՝ տատուն պետք է մնա մարմնի վրա 12 ամիս շարունակ, որից հետո կարելի է հեռացնել լազերի օգնությամբ կամ ծածկել այլ տատուով։
Մրցույթին մասնակցելու համար պետք է բաժանորդագրվել Airberlin-ի Instagram-յան և Facebook-յան էջերին, այնուհետև էլեկտրոնային նամակ ուղարկել serviceteam@airberlin.com էլեկտրոնային հասցեին «one world Round-the-World Ticket Gewinn airberlin not established» թեմայով։ Հաղորդագրությունում պետք է նշել ցանկալի ժամկետն ու նշանաման վայրը (համաձայն oneworld պայմանի), անձնագրային տվյալները (անուն, ծննդյան ամսաթիվ և այլն), հասցեն և բջջային հեռախոսի համարը։