Մեծ Բրիտանիայում հազարավոր ծնողների տուգանել են ուսումնական շրջանում երեխաների հետ հանգստի մեկնելու համար
Բավականին հետաքրքիր օրենք է գործում Մառախլապատ Ալբիոնում․ծնողներին տուգանք է հասնում երեխաների հետ ուսումնական շրջանում հանգստի մեկնելու համար։
Բրիտանական կառավարությունը հրապարակել է տվյալներ, որոնց համաձայն՝ վերջին ակադեմիական տարվա ընթացքում նման արարքի համար տուգանվել է ավելի քան 50 հազար ծնող։ Անցյալ տարի նման իրավախախտումների քանակը գրեթե մեկ քառորդով պակաս է եղել։
Տուգանքների մասին տեղեկատվությունը հրապարակվել է այն բանց հետո, երբ հայրը բողոք էր ներկայացրել և հրաժարվել մուծել տուգանք վեցամյա աղջկա հետ Դիսնեյլենդ մեկնելու համար և շահել գործը։ Այդ կապակցությամբ՝ բրիտանացիները սկսել էին քվեարկել ծնողներից տուգանքները հանելու համար նշելով, որ արձակուրդի ընթացքում ճանապարհորդությունների գները շատ բարձր են։ Կառավարության հիմնական փաստարկն այն է, որ դասերի բացթողումը բացասական է արդրադառնում երեխաների կրթական գործընթացի վրա։