Աբու Դաբիում կբացվի աշխարհում ամենամեծ Warner Bros թեմատիկ այգին
Տոմսերն արդեն հասանելի են և արժեն 295 դիրհամ ($80) մեծերի համար և 230 դիրհամ ($63) երեխաների համար։
Հուլիսի 25-ին Արաբական Միացյալ Էմիրությունների մայրաքաղաքում կբացվի աշխարհի ամենամեծ Warner Bros թեմատիկ այգին։ Այն գտնվում է Յաս կղզում (Yas Island)՝ Աբու Դաբիի հյուսիս-արևելյան մասում, որտեղ արդեն գործում են զվարճանքի Ferrari World Abu Dhabi և Yas Waterworld այգիները։
153 հազար քառակուսի մետր մակերեսով Warner Bros. World Abu Dhabi այգին բաղկացած է վեց շրջաններից, այդ թվում՝ Metropolis և Gotham քաղաքներից, Cartoon Junction, Bedrock, Dynamite Gulch գոտիներից և Warner Bros. Plaza-ից։
Ինչպես հայտնում են «Ռուսական էմիրությունները»՝ պարկը այցելուներին կառաջարկի ընդհանուր առմամբ 29 ատրակցիոն և ժամանցային օբյեկտ։ Այստեղ կարելի է հանդիպել Բեթմեն, Սուպերմեն, Ուանդերվուման հերոսներին, ինչպես նաև՝ Թոմ և Ջերրի, Սկուբի Դու և Ֆլինսթոունների ընտանիքի մուլտհերոսներին։
Ատրակցիոններից բացի այգում կգործեն ռեստորաններ, որոնք կմատուցեն միջինարևելյան, ասիական և արևմտյան խոհանոցի ուտեստներ։