Յուրաքանչյուր երկրում, հատկապես մայրաքաղաքում կան բազմաթիվ հնագույն և ժամանակակից տեսարժան վայրեր, որոնք ամեն տարի գրավում են միլիոնավոր զբոսաշրջիկների: Բացի ամրոցներից, հրապարակներից, պալատներից և այգիներից կան նաև հուշարձաններ, որոնք մեծ հետաքրքրությունն են վայելում զբոսաշրջիկների շրջանում: Եկեք տեսնենք դրանցից մի քանիսը, որոնք պարզապես հարկավոր է տեսնել այդ երկրներ այցելելուց:
1. Զատկի կղզին ամենահեռավոր և մարդկանցով քիչ բնակեցված կղզիներից մեկն է, հայտնի է իր հսկայական քարե արձաններով կամ ինչպես այլ կերպ են անվանում մոաներով: Հնարավոր է, որ դրանք ստեղծել են հավերժացնելու ցեղերի առաջնորդներին (Rex Features):
2. Աշխարհում այդքան էլ շատ չեն քրիստոնեական արձանները, որոնք ավելի հայտնի լինեն քան Քրիստոսի արձանը Ռիո դե Ժանեյրոյում: Արտ դեկո ոճի այս հայտնի արձանի շինարարությունը սկսվել է 1922-1931թթ. շրջանում, որն էլ հետագայում դարձավ Ռիոյի խորհրդանիշը:
3. Ոչ մի այց Կոպենհագեն լիարժեք չի համարվի, եթե չեք տեսնելու «Փոքրիկ ջրահարսին»: Այդ փոքրիկ հուշարձանը պատվիրել է «Carlsberg» ընկերության հիմնադրի որդի Կարլ Յակոբսենը 1909 թվականին, այն բանից հետո, երբ դիտել է նույնանուն բալետը:
4. Ողջ աշխարհում կանգնեցված է Բուդդայի հարյուրավոր արձաններ, բայց ամենատպավորիչը դա Լեշանում գտնվող Բուդդայի արձանն է, որը փորագրված է ժայռի վրա և գտնվում է Սիչուանայի հարավում` Չինաստանում: Արձանը կառուցել են գրեթե մեկ դար և ավարտել են 713 թվականին: Արձանի հեղինակները հույս ունեին, որ այն կհանգստացնի գետի վտանգավոր ջրերը, որին էլ նայում է արձանը:
5. Ենթադրվում է, որ Գիզայում Սֆինքսի հայտնի արձանը կառուցվել է 5000 տարի առաջ: Այս արձանը աշխարհի ամենահին և խոշորագույնն է: Ինչու և ում համար են ստեղծել այդպես էլ մնում է առեղծված:
6. Աբրահամ Լինքոլնի նստած վեհապանծ հուշարձանը նայում է Վաշինգտոնում գտնվող Լինքոլնի հուշահամալիր այցելողներին: Լինքոլնի հիշատակն անմահացած է 1914-1922 թթ. կառուցված եւ Վաշինգտոնի կենտրոնում տեղադրված հուշարձանով՝ Էսպլանադայի կենտրոնում: Այն խորհրդանշում է նախագահի հավատամքը, որ բոլոր մարդիկ պետք է ազատ լինեն:
7. Ծովակալ Հորացիո Նելսոնի արձանը չորս առյուծներով շրջապատված արդեն 150 տարուց ավել հպարտորեն կանգնած է Լոնդոնի Տրաֆալգարյան հրապարակում: Ասում են, որ Մեծ Բրիտանիայի հաջող գրավմման դեպքում Հիտլերը ցանկացել է այն իր հետ տանել Բեռլին:
8. Բուդդայի այս բրոնզե արձանը գտնվում է Ճապոնիայի Կամակուրա քաղաքի Կոտոկու-ին տաճարում: Այն ստեղծել են 13-րդ դարում և կշռվում է 93 տոննա, այդ ամենով հանդերձ ներսը դատարկ է և այցելուները կարող են ներս մտնել: Ռեդյարդ Քիպլինգը այս մասին հիշատակել է իր բանաստեղծության մեջ` «Կիմ» վեպի նախաբանում:
9. Եթե դուք լինեք Բրյուսելում, շտապեք անպայման տեսնել միզող տղային: Դա Բրյուսելի խորհրդանիշն է համարվում: Բրյուսելցիները պատմում են, որ այն կանգնեցրել են գրիմբերգենյան պատերազմի իրադարձությունների հիշատակին, երբ Գոտֆրիդ 3-րդը որդու հետ բարձրանում է ծառ, որպես ապագա միապետ խրախուսի քաղաքացիներին, իսկ երեխան այդտեղից միզեց պատերազմող մարդկանց վրա:
10. Շիվայի ամենաբարձր արձանը գտնվում է Սանգայում, Նեպալի Բհատկապուր և Կավրեպալանոկ շրջանների սահմանագծում: Դրա շինարարական աշխատանքները ավարտել են մի քանի տարի առաջ, այն պատրաստել են պղինձից, ցեմենտից, պողպատից, ցինկից և համարվում է Նեպալի ժամանակակից տեսարժան վայրերից մեկը:
11. Ինչպես և մյուս բոլոր քանդակները այս պատկերասրահի, Միքելանջելոյի կերտած Դավիթի մերկ արձանը ևս պետք է կանգնեցված լիներ դրսում, բայց այն պահում են թանգարանի պաշտպանիչ պատերի ներսում 1873 թվականից: Ամենասկզբից այն եղել է Ֆլորենցիայի Հանրապետության հայրենասիրական խորհրդանիշը:
12.Այս արձանը մեկ անգամ չէ, որ անվանել են աշխարհի ամենատգեղ արձաններից մեկը, բայց ամեն դեպքում արժե տեսնել Պետրոս Մեծի այս քանդակը, եթե կանցնեք մոսկավյի կողքով: 1997 թվականից ի վեր արձանը դադարեց ժողովրդականություն վայելել, նույնիսկ առաջարկեցին այն տեղափոխել Սանկտ Պետերբուրգ: Սակայն այդ առաջարկը մերժվեց:
13. Հարյուր հազարավոր մարդիկ ամեն օր այցելում են, որպեսզի տեսնեն Օգյուստ Ռոդենի «Մտածողը» արձանի զանազան տարբերակները, որոնք սփռված են աշխարհի տարբեր թանգարաններում (օրիգինալը գտնվում է Փարիզում Ռոդենի թանգարանում):
14. 128 մետր հասակ ունեցող Բուդդայի արձանը Չինաստանի Լուշան շրջանի Գարնանային տաճարում համարվում է աշխարհի ամենաբարձր արձանը: Հուշարձանը, որի կառուցումը ավարտել են 2002 թվականին, կանգնեցված է բուդդայական մենաստանի առջև:
15. Փարիզյան Լուվրում է գտնվում հայտնի Վեներա Միլոսսկայան` հին հունական սիրո և գեղեցկության աստվածուհին: Փորձագետները ենթադրում են, որ ինչ-որ ժամանակ այն վառ ներկված է եղել և կանգնեցված է եղել մարզասրահում, ձեռքին խնձոր բռնած:
16. Նվեր ԱՄՆ-ին Ֆրանսիայի կողմից. Ազատության արձանը իր ձեռքում բռնած վառվող ջահը կանգնած է Նյու Յորքի առջև 1886 թվականից: Սկզբից արձանը եղել է բրոնզագույն, բայց ժամանակի հետ այն փոխել է գույնը:
17. Չինգիզ խանի հսկայական արձանը հնարավոր չէ նկատել, այն վեր է խոյացած Ուլան Բատորի զբոսաշրջիկային կենտրոնում, Մոնղոլիայում: Այցելուները կարող են բարձրանալ ձիու գլխին, որտեղից էլ բացվում է հիանալի տեսարան:
18. Հռոմի ամենահայտնի արձաններից մեկը դա Մարկոս Ավրելիոսի ձիու վրայի բրոնզե արձանն է, որը արդեն հարյուր տարի կանգնեցված է Կապիտոլիումի հրապարակում: Արձանը պատկերված է իտալական 0.50 եվրոյի մանրադրամի հակառակ կողմում:
