Վաշինգտոնի Հոլոքոստի հիշատակի թանգարանի ղեկավարությունը արգելք է սահմանել հայտնի Pokemon Go օնլայն խաղի համար։ Հիթային բջջային հավելվածի էությունը կայանում է նրանում, որ օգտատերերը գտնեն պոկեմոններին քարտեզի վրա՝ ճանապարհորդելով իրական աշխարհում։
Բջջային հավելվածն հայտնվել է AppStore-ում և GooglePlay-ում ԱՄՆ-ում, Ավստրալիայում և Նոր Զելանդիայում հուլիսի 6-ին և դարձել ամենահայտնին պատմության մեջ։ Մեկ օրում գեյմերները Pokemon Go-ի առջև անցկացնում են ավելի երկար ժամանակ, քան Instagram-ում և WhatsApp-ում։
Օգտատերերը գտնում են պոկեմոններին ամենատարբեր վայրերում։ Ամենահայտնի հարթակներից մեկը, չգիտես ինչու ԱՄՆ-ի մայրաքաղաքում գտնվող Հոլոքոստի թանգարանն է․ նրա տարածքում գտնվում են PokeStop-ի միանգամից երեք հարթակ, որտեղ օգտատերերը կարող են գտնել անվճար առարկաներ։
Թանգարանի մամուլի ծառայությունը հիշեցրել է, որ համալիրը, որը նվիրված է Հոլոքոստի զոհերին, խաղերի համար սխալ ընտրված վայր է։ Ղեկավարությունը նաև փորձում է կապ հաստատել խաղի հեղինակների՝ Nintendo ընկերության հետ, որպեսզի հարթակը հեռացվի թանգարանից։
