Եթե դուք սիրում եք թեմատիկ այգիներ և օրիգինալ ատրակցիոններ, ապա այս անդրադարձը ձեզ համար է։ Ձեզ ենք ներկայացնում աշխարհի ամենատարօրինակ զվարճանքի այգիները։
Weeki Wachee Springs զվարճանքների այգի, ԱՄՆ
Ֆլորիդայում գտնվող Weeki Wachee Springs զվարճանքների այգում կարելի է տեսնել իսկական ջրահարսների ստորջրյա ելույթ։ Այգին գոյություն ունի արդեն շուրջ 70 տարի։ 1946 թվականին Նյուտոն Պերրին, ով ստորջրյա հետախույզներին մարզող նախկին զինվորական էր, Weeki Wachee-ը դարձնում է անսովոր բիզնեսի լավ վայր։ Այդ ժամանակից ի վեր թեմատիկ այգին ուրախացնում է իր այցելուներին գրավիչ շոուներով։
Ստորջրյա թատրոնում դերասանուհիները իսկական ներկայացումներ են տալիս․ ուտում եմ, խմում և պարում ջրի տակ։
Շիցզինշան զվարճանքների այգի, Չինաստան
Պեկինյան Շիցզինշան զվարճանքների այգին ամբողջությամբ կրկնօրինակում է Դիսնեյլենդի թեման։ Իսկ այգու ղեկավարությունը դրանում ոչ մի տարօրինակ բան չի տեսնում։ Մուտքի մոտ գտնվող ցուցանակին գրված է․ «Դիսնեյը շատ հեռու է, այդ պատճառով եկեք Շիցզինշան»։
Այցելուները լուսանկարվում են Մոխրոտի պալատի առջև Պեկինի այգում։
Գատորլենդ պարկ, ԱՄՆ
Ֆլորիդա նահանգի Օռլանդո քաղաքում գտնվող այս պարկը ստեղծված է սուր զգացողությունների սիրահարների համար։ Այստեղ կարելի է էքստրիմալ շրջագայություն կատարել զիփ-լայն մայրուղով` ալիգատորներով լի ճահճուտների վրայով։ Եթե դա ձեզ համար բավարար չէ, փորձեք կենդանիներին մոտ գնալ և նույնիսկ կերարել նրանց։ Բացի այդ, Գատորլենդում անցկացվում է «Մենամարտ ալիգատորների հետ»։
Այգու այցելուները կերակրում են նրանց նաև հարթակից։
![BBaUK36]()
Պարկ Գրուտաս, Լիտվա
Եթե Շիցզինշան այգին «ամենաերջանիկ վայրն է աշխարհում» (թեև դա կարելի է վիճարկել), ապա Գրուտաս այգին պայքարում է ամենադժբախտի կոչման համար։ Ամենամռայլ թեմատիկ այգիներից մեկն աշխարհում հայտնի էնաև՝ որպես «Ստալինի աշխարհ», և ներառումէ խորհրդայի դարաշրջանի գլխավոր գործող դեմքերի՝ Մարքսի, Լենինի, Ստալինի և այլոց, արձանները։
Այգու տարածքը սահմանափակված է փշալարերով, կան դիտահարթակներ։ Այդ ամենը արված է խորհրդային համակենտրոնացման ճամբարի մթնոլորտ ստեղծելու համար։
Hacienda Napoles պարկ, Կոլումբիա
Hacienda Napoles պարկը երբևէ եղել է կոլումբիացի նարկոբարոն Պաբլո Էսկոբարի իսկական կալվածքը։ Այժմ նրա տարածքում գտնվում է թեմատիկ այգի, 4 հյուրանոց և մի քանի ռեստորան։
Այգու մուտքի մոտ գտնվում է կամարը, որը զարդարում է ինքնաթիռը, որով կոլումբիացի նարկոբարոնը ԱՄՆ է տեղափոխել կոկաինի առաջին խմբաքանակը։ Այս տեղ նաև կարելի է լուսանկարվել հսկա դինոզավրերի հետ։
Սուրբ Երկիր պարկ, ԱՄՆ
Սուրբ Երկիր այգին գտնվում է Օռլանդոյում։ Այստեղ առկա են Աստվածաշնչյան թեմատիկայով ավելի քան 40 ցուցանմուշ, ինչպես նաև՝ բազմաթիվ խանութներ և ռեստորաններ։ Այստեղ կարելի է տեսնել Եդեմի այգին, մասնակցել Հիսուսի և առաքյալների վերջին ընթրիքին և ներկա գտնվել Քրիստոսի խաչելությանը։
Ինչպես նաև՝ դուք կարող եք անցնել Երուսաղեմի գլխավոր առևտրային փողոցով, ապրանքներ նայել և ճաշել սրճարանում։
Tierra Santa, Արգենտինա
Եվս մեկ քրիստոնեական թեմատիկ այգի գտնվում է Արգենտինայում։ Այս այգին բացվել է 2000 թվականին։
Այստեղ դուք կարող եք տեսնել, թե ինչպես են դերասանները վերստեղծում աստվածաշնչյան տեսարանները, այդ թվում՝ խաչելությունը։
Լավ Լենդ, Հարավային Կորեա
Զիգմունդ Ֆրեյդը հաստատ գոհ կմնար էրոտիկ արձաններով այս այգի այցելություններից։ Այստեղ ներկայացված են 140 ցուցանմուշ, որոնք ցուցադրում են ինչպես առաջին օրերի ռոմանտիկան, այնպես էլ ՝ տարբեր սեքսուալ դիրքեր, որոնցից որոշները բավականին սյուրռեալիստական են։
Բնականաբար, այգի կարող են այցելել 19 տարեկանից մեծ քաղաքացիները, աբյց այստեղ խորհուրդ չի տրվում այցելել Սուրբ Երկիր այգու սիրահարներին։
Փոքրիկ մարդկանց թագավորություն, Չինաստան
Կունմին քաղաքի մոտ գտնվող այս թեմատիկ այգում կարող եք ձեզ զգալ Գուլիվեր։ Այգու ախատակիցների հասակը չպետք է գերազանցի 130 սմ-ն։ Ամբողջ տարածքը բեմական հարթակ է լիլիպուտների կողմից ներկայացվող բեմականությունների համար։
Այգու աշխատակիցները բնակվում են մոտակայքում գտնվող տանը, որը նախատեսված է ցածր հասակ ունեցող մարդկանց համար։
Վունդերլենդ Կալկար, Գերմանիա
Զվարճանքների այս այգին բացվել է չգործող ատոմային էլեկտակայանի տարածքում, որը երբևէ չի գործարկվել ատոմային ճգնաճամի պատճառով։ Վունդերլենդ Կալկար այգին կարող է հպարտանալ իր չորս ռեստորաններով, 8 բարերով, 6 հյուրանոցներով և բազմաթիվ ատրակցիոններով։
Հետաքրքիր է, որ այս տարածքը հրաշալի կերպով վերածվել է այգու և լիարժեք օգտագործվում է։
Դիքենսի աշխարհ, Անգլիա
Դիքենսի աշխարհ այգին՝ մութ փողոցներով և մռայլ տներով, ձեզ կտեղափոխի Անգլիայի վիկտորիանական դարաշրջան։ Այստեղ կարելի է հանդիպել Դիքենսի գրքերի հերոսներին։
Դերասան Էդդի Սիմփսոնը զվարճացնում է Ջերալդ Դիքենսին՝ գրողի ծոռանը, և նրա երեխաներին՝ Քեմերունին և Ժասմինին։
Դիգգերլենդ պարկ, Անգլիա
Երբևէ ցանկացել եք ձեզ փորձել շինարարի դերում։ Անգլիայի Դիգգերլենդ այգին ձեզ կտա այդ հնարավորությունը։Կառավարեք շինարարական տեխնիկան, կատարեք հրահանգներ և, իհարկե, վայելեք այդ գործընթացը։
Այս թեմատիկ այգին, որը կարելի է գտնել Մեծ Բրիտանիայի չորս վայրերում, շատ սիրված է երեխաներ ունեցող ընտանիքների շրջանում։