Ինչի՞ց են ամենաշատը բողոքում Airbnb-ով բնակարան վարձակալության տվողները

Ավստրալիական News.com.au նորությունների պորտալի լրագրողները հարցում են անցկացրել Airbnb-ի օգտատերերի շրջանում, ովքեր իրենց տներն ու բնակարանները վարձակալության են հանձնում աշխարհի զբոսաշրջիկներին։ Ստորև ներկայացված է նրանց ամենատարածված բողոքների ցանկը՝ քվեարկողների տոկոսներով։

1. Տանը վարքագծի կանոններին չհետևելը – 7,8%;
2. Հյուրանոցի նման 24-ժամյա սպասարկման ակնկալիքը – 5,1%;
3. Առանց տանտիրոջ թույլտվության կենդանու հետ բնակվելը – 5%;
4. Բնակարանի մասին բացասական կարծիքները, որոնք հիմնված են այնպիսի իրավիճակների վրա, որոնք կախված չեն սեփականատիրոջից- 4,4%;
5. Դժգոհություններ, որոնք հայտնում են  միայն կայքում տեղ գտած կարծիքում, ոչ թե անձամբ սեփականատիրոջը – 4,3%;
6. Հարևաններին անհանգստացնելու սովորությունները – 2,7%;
7. Իր տանը հյուրերի անցկացրած ժամանցի մասին սեփականատիրոջ հարցերին պատասխանելիս ստելը- 3,2%;
8. Դրական կարծիք գրելը, բայց աստղային համակարգով ցածր գնահատելը – 6,4%;
9. Մինչև բնակարան տեղափոխվելը սեփականատիրոջ նամակին չպատասխանելը – 7,4%;
10. Հնարավոր բնակիչների քանակի գերազանցումը- 13,1%;
11. Բնակության պայմանների մասին տեղեկատվության արհամարհումը- 15,2%;
12. Մոռացկոտ բնակիչները, ովքեր իրենց բացակայության ժամանակ միացրած են թողնում տարբեր սարքեր, օրինակ՝ օդորակիչը- 41,1%;
13. Ժամանման ժամանակի փոփոխությունը վերջին րոպեին- 15,2%;
14. Գիշերը սեփականատիրոջ հետ խոսելու ցանկությունը – 7%;
15. Սեփականատիրոջը ժամը մեկ զանգելու և հաղորդագրություն ուղարկելու ցանկությունը – 12,4%։