Տարբեր ոլորտների փորձագետներ անվանել են 6 իրադարձություն, որոնք չի կարելի բաց թողնել մյուս ամիս:
Արվեստների տրիենալե
Որտեղ՝ Յոկոհամա, Ճապոնիա
Ինչ՝Ժամանակակից արվեստի գլխավոր ցուցադրությունը Հեռավոր Արևելքում անցկացվում է մինչև նոյեմբերի 3-ը:
Ինչով է հետաքրքիր՝ Տրիենալեն կամուրջ է հանդիսանում արևելյան և արևմտյնա արվետների միջև: Այս տարի հոգաբարձու է դարձել նկարիչ Յասումասա Մորիմուրան, ով հայտնի է Մերլին Մոնրոյի և Ֆրիդա Կալոյի կերպարներով ինքնանկարներով , իսկ նրա ոգեշնչման աղբյուրը Ռեյ Բրեդբերի «451 աստիճան՝ ըստ ֆարենհեյթի» վեպն է:
Tu B’Av սիրո տոն
Որտեղ՝ Գալիլիա, Իսրայել
Ինչ՝ Եվրպական սիրահարների օրվան նվիրված փառատոն
Ինչն է հետաքրքիր՝ Նույնիսկ մինչև մ.թ. 70 թվականը Tu B’Av-ին չամուսնացած աղջիկները պարում էին խաղողների վրա: Այս տարի բացմանը հանդես կգա էլեկտրոնային երաժշտության իսրայելացի կատարող Իդան Ռեյչալը, իսկ փակմանը՝ կիթառահար Դավիդ Բրոզան: Tu B’Av-ի ընթացքում ելույթներով հանդես կգան տեղացի երգիչները և կանցկացվեն համտեսումներ գինու գործարաններում:
Ծաղիկների փառատոն Դանիայում
Որտեղ՝ Օդենսե, Դանիա
Ինչ՝ Ծաղիկների փառատոն
Ինչով է հետաքրքիր՝ Արդեն տասնվեցերորդ անգամ ծաղիկներով ամբողջովին կծածկեն երկրի երրորդ ամենամեծ քաղաքը: Փողոցներում կհայտնվեն ծաղկային մայթեզրեր, նոր ծաղկամաններ և կոմպոզիցիաներ: Անցյալ տարի այգեգործները ավելի քան երկու հարյուր հազար ծաղիկներից պատրաստել են ֆլամինգո, կարապներ, փղեր, ութոտնուկներ: Իսկ այս տարի որպես թեմա ընտրվել է Դանիան: Օգոստոսի 13-ից 16-ին կարելի է հիանալ ծաղիկներով, իսկ օգոստոսի 17-ին այցելուները կարող են գնել մի քանի տեսակներ:
Արևադարձային այգիների և ծաղիկների փառատոն Սինգապուրում
Ինչ՝ Արևադարձային այգիների և ծաղիկների լայնամասշտաբ փառատոն
Որտեղ՝ Սինգապուր, Garden by the Bay այգի
Ինչով է հետաքրքիր՝ Ասիայում խոշորագույն արևադարձային այգիների և ծաղիկների փառատոնը կանցկացվի Gardens by the Bay այգում օգոստոսի 16-ից 24-ին: Մասնակիցների թվում են Մեծ Բրիտանիայից լանդշաֆտային դիզայնի աստղ Ադամ Ֆրոստը և Քրիս Բերդշոուն: Հյուրերը կարող են այգեգործության և խոհարարության վարպետության դասեր անցնել, ինչպես նաև՝ գնել ծաղիկներ և հողահարթեցման սարքավորումներ լանդշաֆտային դիզայնի համար փառատոնի շուկայից:
Դիմակահանդես Նոթինգ Հիլլում
Որտեղ՝ Լոնդոն, Մեծ Բրիտանիա
Ինչ՝ Ամենամեծ դիմակահանդեսը Եվրոպայում
Ինչով է հետաքրքիր՝ Դիմակահանդեսի գալիս են հազարավոր մասնակիցներ Կարիբյան ջրավազանի երկրներից և Աֆրիկայից: Էկզոտիկ հագուստներով անցնում են փողոցներով, հնչում են դիջեյ-սեթեր: Գործում են նաև ազգային ուտեստներով կիոսկներ: Կարճ ասած՝ Նոթինգ Հիլլը վերածվում է իսկական Ռիո դե Ժանեյրոյի:
Ֆոտոլրագրության փառատոն
Որտեղ՝ Պերպինյան, Ֆրանսիա
Ինչ՝ Աշխարհի լավագույն ֆոտովավերագրողների ցուցադրությունը և սլայդ շոուն Сampo Santo հրապարակում կանցկացվեն մինչև սեպտեմբերի 14-ը:
Ինչն է հետաքրքիր՝ Այդ ընթացքում Պերպինյանում կարելի է ծանոթանալ լեգենդար ֆոտովավերագրողների հետ, ինչպիսիք են՝ Օլիվիե Լաբան-Մատեյը և Գիյոմա Էրբոն: Այս տարի կանցկացվի ցուցահանդես Ռուսաստանի թեմայով՝ նվիրված Առաջին համաշխարհային պատերազմին և Միխայիլ Կալաշնիկովին: