Արգենտինա. ֆուտբոլիստների և երկրպագուների համար նախատեսված աշխարհի առաջին հյուրանոցը կբացվի գարնանը
2012 թվակաի մարտ ամսին Բուենոս Այրեսում կբացվի աշխարհի առաջին հյուրանոցը, որը նախատեսված կլինի ֆուտբոլիստների և ֆուտբոլի երկրպագուների համար: Թեմատիկ հյուրանոցի սեփականատերերը ակնկալում են, որ մայրաքաղաքում կընդունեն արգենտինական ամենահայտնի ֆուտբոլային ակումբի` «Boca Juniors»-ի ֆուտբոլիստներին և երկրպագուներին, այդ իսկ պատճառով ինտերիերում կօգտագործվի այդ թիմի գույները:
«Հյուրանոցը լցված կլինի արգենտինական մայրաքաղաքի ոգով և ֆուտբոլային երկրպագուների մթնոլորտով»,- ահա այսպես է նկարագրվում նոր հյուրանոցի ոճը Pulso Turístico կայքում, որի նախագծի հեղինակն է հայտնի դիզայներ Կառլոս Օտտան (Carlos Ott): Հինգաստղանի հյուրանոցի ղեկավարումը կիրականացնի արգենտինական հայտնի Design Suites հյուրանոցային ցանցը: Հյուրանոցը ունի չորսը դասի 85 սենյակ, նիստերի դահլիճ և հանդիպումների սենյակ: Կենտրոնական սրահը հեշտությամբ կարող է վերակազմավորվել և դառնալ 260 հոգու համար նախատեսված լսարան, 200 հոգու համար բանկետային սրահ կամ ընդունելությունների սրահ 400 հոգու համար: Հյուրանոցում կլինեն սպա և ֆիտնես կենտրոններ` լողավազանով և շոգեբաղնիքով, ինչպես նաև` մարզասրահ:
