Հելսինկիում կանցկացվի շոգեբաղնիքի օր
Մարտի 10-ին Ֆինլանդիայում կարելի է անվճար շոգեհարվել։
Մարտի 10-ին Ֆինլանդիայի մայրաքաղաքում կանցկացվի Շոգեբաղնիքի օր․ իրենց դռները հանրության համար կբացեն մի քանի տասնյակ հասարակական և մասնավոր շոգեբաղնիքները, որոնք գտնվում են հեղինակավոր հյուրանոցներում, շարժական ավտոբուսներում, վրանային գոլորշու սենյակներում, նավերում, լճերի ափին և, նույնիսկ, պտտանիվի վրա։
Շոգեբաղնիքի օրը զբոսաշրջիկներին հնարավորություն կտրվի ավելի լավ ծանոթանալ ֆինների բաղնիքային ավանդույթներին և նրանց հյուրասիրությանը։ Հելսինկիի բոլոր շոգեբաղնիքները, որոնք մասնակցում են տոնին, կընդունեն հյուրերին անվճար։
Ներկայումս կազմվում է շոգեբաղնիքների ցանկը, որոնք պատրաստ են անվճար հյուրեր ընդունել մարտի 10-ին, և արդեն պարզ է, որ դրանք հարյուրից ավել են։ Մայրաքաղաքայիններին կմիանան նաև Հելսինկիի արվարձանային շոգեբաղնիքները։ Նույնիսկ Ֆինլանդիայի ազգային թանգարանի ադմինիստրացիան հայտարարել է, որ մտադիր է բացել ներքին բակը նրանց համար, ովքեր կցանկանան շարժական շոգեբաղնիք տեղադրել այնտեղ, լողալ և սնվել։
Ֆիննական բաղնիքի սիրահարները կկազմակերպեն յուրօրինակ «մարաթոններ», որպեսզի մի օրում հասցնեն լինել մի քանի հաստատություններում։