Չինական ընկերությունը իր 2,5 հազար աշխատակիցների համար հանգիստ է կազմակերպել Իսպանիայում
Չինական Tiens Group կորպորացիան, որը մեր շրջանում հայտնի է «Տյանշի» անվամբ, իր աշխատակիցների համար հանգիստ է կազմակերպել դեպի Իսպանիա։ Ընկերության 2,5 հազար աշխատակիցները Մադրիդում և Բարսելոնայում կանցկացնեն մեկ շաբաթ։ Այս մասին հայտնում է EuroWeekly-ն։
Մադրիդ հանգստի Tiens Group-ի աշխատակիցները մեկնել են 20 կանոնավոր չվերթներով մայիսի 4-ին։ Նրանք իսպանական մայրաքաղաքում կմնան մինչև մայիսի 8-ը, որից հետո երկու օրով կուղևորվեն Բարսելոնա։
Չինաստանից ժամանածների համար ամրագրվել է 1650 համար հյուրանոցներում։ Զբոսաշրջիկներին սպասարկում են 70 ավտոբուս։ Իսկ Մադրիդից Բարսելոնա ուղևորվելու համար ընկերությունը վարձակալել է չորս գերարագ AVE գնացք։ Ընկերությունը այս հանգստի վրա ծախսել է ավելի քան յոթ միլիոն եվրո։
2015 թվականի մայիսին Tiens Group-ը նույնպես կազմակերպել էր չորսօրյա արտասահմանյան հանգիստ իր աշխատակիցների համար։ Այն ժամանակ Ֆրանսիայում հանգստացել է 6,4 հազար աշխատակից։ Նրանք Լազուրե ափ էին ժամանել 84 ինքնաթիռով և տեղավորվել 79 հյուրանոցներում Կաննի և Մոնակոյի միջև։
Tiens Group-ը հիմնադրվել է Չինաստանում 1995 թվականին։ Բազմազգ ընկերությունը զբաղվում է սննդային հավելումների և մերսող սարքերի արտադրությամբ և վաճառքով։ Կորպորացիայում աշխատանքը կատարվում է ցանցային մարքեթինգի սկզբունքով։