Չորրորդ տարին անընդմեջ TripAdvisor պորտալի օգտատերերը Travellers Choice մրցանակաբաշխության շրջանակներում լավագույն աքվապարկ են ընտրում Տեներիֆե կղզու Siam Park համալիրը։ Լավագույնների տասնյակում են հայտնվել երեք բրազիլական աքվապարկ և նույնքան էլ ջրային զվարճանքների համալիրներ՝ ԱՄԷ-ից։
Լավագույն եռյակում հայտնվել են Բրազիլիայի Beach Park-ը և Ինդոնեզիայի Waterbom Bali-ն․ հայտնում է TripAdvisor կայքը։
Դուբայի Aquaventure Waterpark-ը զբաղեցրել է չորրորդ հորիզոնականը, իսկ հինգերորդում գտնվում է բրազիլական Thermas dos Laranjais-ը, վեցերորդում՝ Օռլանդոյի Դիսնեյլենդում գտնվող Typhoon Lagoon Water Park -ն է:
Եվս մեկ բրազիլական աքվապարկ՝ Hot Park-ը, զբաղեցրել է վարկանիշային աղյուսակի յոթերորդ հորիզոնականը, իսկ ութում՝ Դուբայի Wild Wadi Waterpark-ն է։ Լավագույնների տասնյակը եզրափակում են Ֆլորիդայի Aquatica Orlando-ն և ԱՄԷ-ի Yas Waterworld Abu Dhabi-ն։
