Սեքսի համար լավագույն հյուրանոցները գտնվում են Փարիզում և Լիսաբոնում

Sid Lee Paris  ընկերությունը Skyn ապրանքանիշի հետ համատեղ ընտրել են 12 զույգի աշխարհի վեց երկրից, որպեսզի գտնեն սեքսի համար լավագույն հյուրանոցները։ Թոփ-7-ը գլխավորում է հայելային ննջասենյակներով Edgar Paris հյուրանոցը, որը գտնվում է ֆրանսիական մայրաքաղաքում։ Այս վայրը խորհուրդ է տրվում նրանց, ովքեր ցանկանում են հետևել իրենց սեքսուալ կյանքին կողքից։ Այս հյուրանոցի համարներում մահճակալը գտնվում է  սենյակի կենտրոնում, որն ունի հայելային առաստաղ, ինչն էլ թույլ է տալիս հետևել սիրային գործողությանը տարբեր ռակուրսներից։

Երկրորդ հորիզոնականում գտնվում են Լիսաբոնի Sintra Marmoris Palace-ի ապարտամենտները։  Ըստ կարծիքների՝ XIX  դարի շենքում կան շքեղ վարագույրներ, որից ներս կարելի է լավ  «շփվել» զուգընկերոջ հետ։ Ինչպես նշում են փորձի մասնակիցները՝ այդ շքեղ կտորները հատուկ զգացողություններ են առաջացնում։

Սիրային խաղի համար լավագույն եռյակը եզրափակում է  Բրազիլիայի Մարագոժիում գտնվող Pousada Camurim Grande-ն։ Զույգին խոստանում են դրախտային պայմաններ՝ գամակով, կոկոսի  ծառերով, մանգոյով և  այլ էկզոտիկ մրգերով։

Վարկանիշային աղյուսակում հայտնվել է ևս մեկ բրազիլական հյուրանոց՝ Ռիո դե Ժանեյրոյի  Casa Marques-ը։ Այն գտնվում է բլրի վրա, որը իդեալական է մայրամուտին հետևելու համար։ Հենց դա էլ ստեղծում է անհրաժեշտ ռոմանտիկ տրամադրությունը։ Սիրով լի գիշերից հետո փորձագետները խորհուրդ են տալիս այցելել հյուրանոցի տանիքին գտնվող լողավազանը։

Լավագույն հյուրանոցների թվում են նաև Մարսելի բարձր առաստաղով և լավ լուսավորությամբ  L’Appartement-ը,  Յոսեմիտի ազգային պարկում գտնվող կալիֆորնիական  Rush Creek Lodge-ը և Պորտուգալիայի  L’AND Vineyards-ը։ Վերջինս հիշվել է զույգերի կողմից իր ընդարձակ լոգասենյակներով և ուղղանկյուն  լոգակոնքերով։