Շվեյցարիա. հարմարավետ հյուրանոց անասնագոմում

Շվեյցարիայում այժմ կարելի է միաձուլվել բնությանը և ապրել սարերում` անասնագոմում: Ծովի մակարդակից 1500մ բարձրության վրա երկու եղբայրներ նախկին անասնագոմում բացել են շքեղ բնակարան-հյուրանոց: Ընդ որում` դրսից հյուրանոցը նման է հենց անասնագոմի:

Երկու խոսքով ներկայացնենք  Montagne Alternative նախագծի էությունը. Լյուդովիկ Օրտսը և իր զարմիկ Բենուա Գրայնդելը գնելով  մի քանի անասնագոմեր  վերանորոգել են  դրանք, պահպանելով արտաքին տեսքը,  բայց ամբողջովին փոխել են ներքին ինտերիերը:

Հյուրանոց-անասնագոմը արտաքինից հենց գործող անասնագոմի տպավորություն է թողնում, բայց ինտերիերը չի տարբերվում լավ բնակարան-հյուրանոցից`  հսկա լուսամուտներով, փափուկ անկողինով ննջասենյակներ, բուխարիով հյուրասենյակ, ամբողջովին տեխնիկապես հագեցած խոհանոց, Wi-Fi: Միայն հեռուստացույց չկա, սակայն հյուրերի ցանկության դեպքում կտրամադրվի, բայց հյուրանոցի տիրոջ խոսքերով շատ հազվադեպ է պատահել, որ հեռուստացույց են խնդրել:
Այժմ Montagne Alternative-ում չորս անասնագոմ կա: Դրանցից երեքը նախատեսված է համապատասխանաբար 6, 8 և 10 մարդու համար: Դրանք հնարավոր է վարձակալել ամբողջովին կամ կիսել հարևանների հետ: Չորորդ անասնագոմը  50 քմ. տարածքով  օգտագործվում  է  որպես խորհրդաժողովների սրահ: Իհարկե հյուրանոց-անասնագոմը շրջապատված է գեղեցիկ բնությունով, և դա հսկայական առավելություն է: