Իսպանուհիները նախընտրում են շոփինգի և սեքսի փոխարեն ճանապարհորդել

Իսպանիայի ժամանակակից բնակչուհիները նախընտրում են մեկնել ճանապարհորդության, քան՝ շրջել խանութներով, համեղ ուտել կամ զբաղվել սեքսով։ Այդպիսին են  Rumbo օնլայն գործակալության հետազոտության արդյունքները, որը ներկայացնում է  «Իսպանիան ռուսերեն» պարբերականը։

Անցկացված հարցման շրջանակներում Իսպանիայի կանանց հարցրել են, թե ինչ ժամանցի են նրանք նախապատվություն տալիս։ Հարցվածների 55 %-ը ընտրել է ճանապարհորդությունը։ Եվ խոսքը հենց զբոսաշրջային ճանապարհորդության մասին է, ոչ թե գործուղման կամ բիզնեսի հետ կապված։  Երկրորդ տեղում հայտնվել է սեքսը․ այն ընտրել են իսպանուհիների 17 %-ը, դրան հաջորդում են համեղ ուտելիքները  (11 %), շոփինգը(10 %) և սպորտով զբաղվելը (7 %)։