Ուղևորությունը Իսպանիա կդառնա ավելի հարմարավետ։ Այժմ ավիաուղևորները, ովքեր կժամանեն թագավորության մայրաքաղաքներից մեկը, կարող են ուղևորվել հյուրանոց առանց ծանրության, իսկ ուղեբեռը ստանալ օդանավակայանի առաքման ծառայության միջոցով։
Ծառայությունը հասանելի է Մադրիդի և Բարսելոնայի օդանավակայաններում։ Ընդ որում, առաքման արժեքը կլինի բավականին մատչելի։ «NoLuggage» ընկերությունը երկու ճամպրուկի առաքման համար պատրաստվում է գանձել ընդամենը 16 € եվրո։
Այժմ «NoLuggage» ծառայությունից կարող են օգտվել Բարսելոնայի «Էլ Պրատ» օդանավակայանի Т1 և Т2 և Մադրիդի «Բարախաս» օդանավակայանի Т1 և Т4 տերմինալների ուղևորները։
Արդեն մոտ ապագայում ընկերությունը պատրաստվում է ծառայությունը ներդնել նաև Իբիցայի, Մալագայի, Պալմա դե Մայորկայի, Բալբաոյի և Սևիլիայի օդանավակայաններում, իսկ հաջորդ տարի՝ երկրի բոլոր օդանավակայաններում։ 
Բացի այդ, ավիաընկերությունները ևս կարող են դառնալ ծառայության պատվիրատու՝ դրանով գրավելով հաճախորդներին։ Օրինակ, ընկերությունն արդեն պայմանագիր է կնքել «Vueling» ավիընկերության հետ, որի ուղևորները կարող են ծաայության դիմաց վճարել 10%-ով քիչ։