Ինքնաթիռում վարքագծի կանոնները նույնն է ամբողջ աշխարհում: Այդ ցանկի որոշ կետեր կարող են շատ պարզ թվալ, բայց, չգիտես ինչու, հենց դրանց հետ են ամենաշատ խնդիրներն առաջանում: Ամեն դեպքում, այդ կանոնները պետք է իմանան բոլոր ճանապարհորդողները: Ձեռքի ուղեբեռի քաշը սահմանափակ է, իսկ չափսը` ոչ: Մի վերցրեք Ձեզ հետ ինքնաթիռի սրահ խոշոր չափսերով իրեր: Փքված ներքնակը, թեև կարող է համապատասխանել քաշի համար նախատեսված չափորոշիչներին, բայց կստեղծի որոշ անհարմարություններ: Ձեռքի ուղեբեռը պահեք վերևի խցիկում, որը գտնվում է անմիջապես Ձեր վերևում: Իսկ եթե այն ամբողջապես չի տեղավորվում Ձեր խցիկում, ապա սպասեք, մինչև սրահի դռները փակվեն, բոլոր ուղևորները տեղավորվեն և հետո փնտրեք ազատ խցիկ Ձեր ուղեբեռի համար:
Բաճկոնը կամ վերարկուն դրեք ուղեբեռի վրա, ոչ թե Ձեր կողքը. դա կարող է զբաղեցնել Ձեր հարևանի տարածքը:
Զբաղեցրեք հենց այն տեղը, որը գրված է Ձեր վայրէջքի կտրոնի վրա: Դուք կարող եք փոխել Ձեր տեղը, երբ բոլոր ուղևորները նստած կլինեն և ազատ տեղ կմնա:
Եթե Դուք ճանապարհորդում եք միայնակ, և Ձեզ խնդրում են փոխել տեղը, որպեսզի ընտանիքի բոլոր անդամները իրար մոտ նստեն, հիշեք, որ մի օր էլ Դուք կարող եք նման խնդրանքով դիմել որևէ մեկին:
Հիշեք, որ ինքնաթիռի փակ տարածությունում մարդկանց նյարդայնացնում է այն ամենը, ինչ իրենք չեն անում` լսում եք երաժշտություն, աշխատում եք նոթբուքով, թե լրացնում եք փաստաթղթեր. Երբեմն դա հանգեցնում է սկանդալի:
Ամբողջությամբ մի բացեք նստատեղի թիկնակը: Թեև, երբեմն դա միակ միջոցն է անկարգապահ երեխաների դեմ պայքարելու համար:
Կա մի լուրջ խնդիր, երբ մարդիկ ինքնաթիռում հանում են կոշիկները` իր բոլոր հետևանքներով հանդերձ: Եթե Դուք էլ եք որոշել այդպես վարվել, վերցրեք Ձեզ հետ հողաթափեր: Հարգեք մարդկանց:
Մի ձանձրրացրեք մարդկանց զրույցներով:
Կանգնելիս մի հենվեք առջևի նստատեղի թիկնակին: Դուք կարող եք արթնացնել այնտեղ նստած ուղևորին, որը մի կերպ կարողացել է քնել, որպեսզի թեթև տանի թռիչքը:
Հետևեք ինքներդ Ձեզ: Երբեմն մտածելիս մարդիկ ոտքով հարվածում են առջևի նստատեղին, որը կարող է զայրացնել այնտեղ նստած ուղևորին:
Մի զրուցեք ընկերների հետ միջանցքում. դա կարող է խանգարել մոտակա ուղևորին:
Մի թողեք Ձեր իրերը միջանցքում: Կամ հետո մի բողոքեք, թե բորտուղեկցորդուհին երկար ժամանակ չի մոտենում ձեզ:
Զգույշ եղեք սնունդի սկուտեղի և տաք ըմպելիքների հետ: Զգուշորեն բացեք աղցանը, համեմունքները և ըմպելիքները:
Եթե Դուք կեղտոտել եք հարևանի հագուստը, ապա ներեղություն խնդրեք և առաջարկեք վճարել քիմմաքրման համար:
Ինքնաթիռի զուգարանը զարդախուց կամ հանդերձարան չէ: Եղեք արագ և մի թողեք աղբ Ձեզնից հետո:
Հիշեք, որ ալկոհոլի ազդեցությունը մեծանում է բարձրության վրա: Իմացեք սահմանները:
Ինքնաթիռը Ձեր գրասենյակը չէ: Թափթփված թղթերը կարող են նյարդայնացնել մյուս ուղևորներին:
Զգուշորեն բացեք պահախցիկի դուռը: Ընթացքի ժամանակ իրերը տեղափոխվում են, և երբեք չեք կարող վստահ լինել, որ կհասցնեք բռնել ընկնող իրը, և այն չի ընկնի Ձեր հարևանի վրա:
Մի կանգնեք ելքի մոտ և փնտրեք ձեզ դիմավորողներին: Տեղ ազատեք մյուսների համար:
