«Գահերի խաղը» սերիալի նկարահանումները տեղի կունենան Ժիրոնայում՝ հազարավոր զբոսաշրջիկներից քիչ հեռու

Հայտնի ամերիկյան սերիալի ստեղծողները հայտնել են, որ վեցերորդ եթերաշրջանի նկարահանումները տեղի կունենան հազարավոր զբոսաշրջիկներից քիչ հեռու Ժիրոնայում և Վալենսիայի շրջանի առողջարանային Պենիսկոլա ավանում:

Տեղի իշխանությունները արդեն հավանության են արժանացրել «Գահերի խաղը» սերիալի էպիզոդների նկարահանումները, որոնք նշանակված են այս տարվա ամռանը և աշնանը: Հարկ է նշել, որ սերիալի նկարահանման վայրերը ավանդաբար հետաքրքրություն են առաջացնում զբոսաշրջիկների շրջանում, ովքեր ցանկանում են զբոսնել փողոցներով, ամրոցներով, այն վայրերով, որտեղ  զարգանում են «Գահերի խաղը» սերիալի գործողությունները:

Սերիալի նախկին եթերաշրջանները նկարահանվել են Դուբրովնիկում, Անդալուսիայում, ինչպես նաև՝ Մալթայում և Հյուսիսային Իռլանդիայում: