Իտալիայում ի հայտ է եկել «աքվասոմելյեյի» աշխատանք․ մասնագետ, ով կարող է օգնել բարերի, ռեստորանների և հյուրանոցների հաճախորդներին ընտրել ճիշտ հանքային ջուր։ Հայտնի է, որ բոլոր շշալցված հանքային ջրերը միանման չեն․ դրանք ունեն համի յուրահատկություն, ինչպես նաև՝ առանձնահատկություններ՝ կախված արտադրման վայրից։ Մասնագիտության ստեղծման գաղափարը պատկանում է Adam հանքային ջրի դեգուստատորների ասոցիացիային։ Այն արդեն թողարկել է երեք ուղեցույց «երկնագույն ոսկու» մասին, որտեղ ամրագրել է տասը կանոն ռեստորաններում լավ սպասարկման համար։
«Նույնիսկ ամենապարզ ուտեստը կարող է փոփոխվել ճիշտ մատուցված ջրի շնորհիվ, -դիմում են դեգուստատորերը ռեստորաններին և ավագ խոհարարներին,-Այդ պատճառով շատ կարևոր է սովորել ճիշտ ընտրել հանքային ջուրը»։
Բացի այդ, Ասոցիացիան առաջարկում է իտալական հանքային ջրերի դասակարգում՝ ըստ արտադրման վայրի․ «գրեթե քաղցր» Ֆրիուլիից և Ումբրիայից, «տտիպ» Լոմբարդիայից, Տոսկանայից, Լացիոյից, Կալամբրիայից և Սիցիլիայից և «շատ տտիպ» Էմիլիա Ռոմանիայից։
Այլ հոդվածներ