Սաուդյան Արաբիա․ Սմարթֆոնները սպանում են զբոսաշրջային ընկերությունները

Սմարթֆոնների համար ստեղծված հավելվածները կարող են հանգեցնել նրան, որ Սաուդյան Արաբիայի զբոսաշրջային գործակալությունների 70%-ը կարող են փակվել․ գրում է  Аrabian Вusiness-ը։
Զբոսաշրջային ոլորտի մասնագետները մտավախություն են հայտնում, որ բջջային հավելվածները կսպանեն իրենց բիզնեսը։ Այդ մտավախությունների համար պատճառ են հանդիսանում վիճակագրական տվյալները, որոնց համաձայն զբոսաշրջիկների  75%-ը ճանապարհորդությունն ամրագրում են օնլայն, ինչն էլ ազդում է Սաուդյան Արաբիայի տուրիստական ոլորտի եկամուտների 30%-ի վրա։
Այդ միտման պահպանման դեպքում երկրում կարող են փակվել զբոսաշրջային գործակալությունների շուրջ 70%-ը առաջիկա  5 տարվա ընթացքում, իսկ գրասենյակների  15%-ը կարող է տեղափոխվել Համացանց։ Աշխատելով օնլայն՝ գործակալությունները կարող են առաջարկել ավելի մատչելի տուրեր, քանի որ ազատված կլինեն վարձակալության վճարից, աշխատակիցների աշխատավարձերից և այլ ծախսերից։