Սևանը ռուսաստանցի զբոսաշրջիկների նախընտրած ԱՊՀ հանգստավայրերի 5-յակում է
Սևանը հայտնվել է 2017-ի ամռանը ռուսաստանցի զբոսաշրջիկների նախընտրած ԱՊՀ հանգստավայրերի թոփ 5-յակում: Այդ մասին հայտնում է ՏուրՍտատ գործակալությունը` վերջին վերլուծության արդյունքների հիման վրա:
ԱՊՀ երկրների առաջին հնգյակում են Ղազախստանի, Բելառուսի, Ղրղզստանի, Ադրբեջանի և Հայաստանի հանգստավայրերը:
Սևանից բացի ԱՊՀ երկրների առավել պահանջված հանգստավայրերի թվում նշվել են ղազախական Բորովոեն, ղրղզական Իսիկ Կուլը, բելառուսական Նարոչն ու ադրբեջանական Լենկորանը:
Ըստ աղբյուրի, Սևանում ռուսաստանցի զբոսաշրջիկները մտադիր են անցկացնել միջինը 3 օր, մոտավորապես 65 դոլար ծախսելով մեկ օրում: Սևանա լիճ են այցելում հիմնականում Մոսկվայից և Սանկտ Պետերբուրգից ժամանող զբոսաշրջիկները:
Վարկանիշը կազմվել է հյուրանոցների օնլայն ամրագրման տվյալների վերլուծության հիման վրա: Հայաստանը 3-րդ տեղն է զբաղեցրել ԱՊՀ երկրների թվում: Ռուսաստանի բնակիչների համար գաստրոնոմիական զբոսաշրջության տեսակետից ամենապահանջված երկրների առաջին հնգյակում են Հայաստանը, Վրաստանը, Ադրբեջանը, Ղազախստանն ու Ուզբեկստանը:
Աղբյուրը` Panarmenian.net