Լոնդոնի էլիտար Dukes հյուրանոցում բացվել են համարներ միայն կանանց համար: Դրանք ստացել են Duchess Rooms անունը («Դքսուհու սենյակներ»), ինչը կապվում է հյուրանոցի անվան հետ, որը թարգմանվում է «Դուքսեր»:
Այս համարների սպասարկող անձնակազմը կազմված է բացառապես կանանցից: Բացի այդ` հյուրերին առաջարկվում է հատուկ հայելիներ, վարսահարդարիչներ և այլ աքսեսուարներ հարդարման համար, ինչպես նաև` մի շարք գլամուրային ամսագրեր: Բոլոր համարները զարդարված են թարմ ծաղկեփնջերով:
Dukes-ի «Կանանց մասի» բացումը համընկավ Դանիայի Կոպենհագեն քաղաքի սկանդալի հետ: Այնտեղ փորձում են արգելել նման հյուրանոցների և համարների ստեղծումը` հղում կատարելով խտրականության մասին օրենքին: Մասնավորապես` Bella Sky հյուրանոցին հրամայվել է հանել տղամարդկանց մուտքի արգելքը դեպի կանանց հարկ: Ի պատասխան սրա` հյուրանոցի ղեկավարությունը հայտարարել է, որ «միակ տղամարդը, ով կարող է բարձրանալ կանանց հարկ, հրշեջն է»:
