Շվեդական ոստիկանությունը նախազգուշացում է տարածել այն քաղաքացիների համար, ովքեր ամռանը ճանապարհորդության մեկնելիս, հանձնում են իրենց տունը վարձակալության. նրանց բնակարաններում կարող են գաղտնի տեղավորվել և անօրինաբար աշխատել սեքս արդյունաբերության ներկայացուցիչները: Համաձայն Ստոկհոլմի իշխանությունների՝ վերջին տարիներին նկատվում է մարմնավաճառների անցումը հյուրանոցներից դեպի մասնավոր տներ: Այս միտումը բացատրվում է նրանով, որ հյուրանոցները սկսել են ակտիվորեն պայքարել իրենց տարածքում սեքս արդյույաբերությամբ զբաղվող կանանց դեմ՝ կազմակերպելով հատուկ դասընթացներ անձնակազմի համար այցելուների մեջ մարմնավաճառներին բացահայտելու համար: Ինչպես նշում է ոստիկանությունը՝ բնակարանների քանակը, որոնք տրվում են ենթավարձակալության մարմնավաճառներին, մի կողմից նվազագույնն են, բայց նաև՝ «ողբերգական» մեծ: Սխեման, որով վարձակալվող բնակարանները վերածվում են հասարակաց տների, խորամանկ է, և իշխանությունները դեռևս ոչինչ չեն կարողանում ձեռնարկել դրա դեմ: Հետևաբար, քաղաքացիները պետք է ապավինեն իրենց զգոնությանը և որևէ կասկած ունենալու դեպքում անհապաղ դիմել ոստիկանություն: Այսպիսով, երկրից մեկնելիս տունը վարձակալության հանձնելիս ոստիկանությունը խորհուրդ է տալիս դիմել հարևաններին կամ ընկերներին, որպեսզի նրանք հետևեն տան վարձակալուներին: Շվեդիայում 1999 թվականից սկսած սեռական ծառայություններից օգտվելը անօրինական է: Սակայն միայնակ տղամարդկանց հոսքը, ովքեր պատրաստ են ռիկի դիմել վճարովի հաճույքներից օգտվելու համար, երկրում դեռ չի պակասել: Երկրի վարչապետը վերջերը կոչ է արել ավելի կոշտ վերաբերվել մարմնավաճառների հաճախորդներին:
Այլ հոդվածներ