Մինչև վերջերս «Աշխարհի ո՞ր ռեստորանում է դժվար սեղան ամրագրել» հարցի պատասխանը ակնհայտ էր՝ «El Bulli»: Բայց, երբ Ֆերրան Ադրիան՝ մոլորակի լավագույն հաստատության սեփականատերը, որոշեց փակել այն, նա հնարավորություն տվեց մյուս ռեստորաններին հավակնել աշխարհի ամենահայտնի ռեստորան կոչվելու իրավունքին: Կան շատ պատճառներ, որ այս կամ այն ռեստորանում սեղան ամրագրելը նույնքան դժվար է, որքան օրինակ մաքրել ավգյան ախոռները: Հաստատությունը կարող է ունենալ քիչ քանակով սեղաններ կամ այնտեղ սիրում են սնվել աստղերը, ովքեր մշտապես ցանկանում են հեռու մնալ օտար աչքից: Ռեստորանները կարող են հաջողություն վայելել համադամասերերի շրջանում, ովքեր այն ընդգրկում են պարտադիր այցելվող վայրերի ցանկում, կամ էլ դրանք կարող են լինել պարզապես լավ հաստատություններ` հիանալի խոհանոցով, որի՝ երկար տարիներ վաստակած հեղինակությունը նպաստում է նրան, որ այցելուների հոսքը երբեք չպակասի: Բայց ինչ պատճառներ էլ, որ լինեն, փաստը մնում է փաստ, որ կա ռեստորանների մի խումբ, որոնց սեղանիկները պետք է ամրագրել ամիսներ առաջ: Այդպիսի վայրերը կարող են իրենց թույլ տալ մերժել անհամբեր հաճախորդին:
Urasawa (Լոս Անջելես, ԱՄՆ)
Urasawa ռեստորանում ամեն երեկո հասանելի է միայն 10 սեղանիկ: Դրա բացատրությունը շատ պարզ է. ֆանտաստիկ ճաշացանկ՝ կազմված 29 ուտեստներից՝ հայտնի ավագ խոհարար Հիրոյուկի Ուրասավից: Այս հաճույքի արժեքը կազմում է մեկ հոգու համար $600, որը ռեստորանի բազմաթիվ այցելուները չեն համարում շատ բարձր: Չէ որ սա Urasawa-ն է. այստեղ նույնիսկ կիբոֆոբիան (սնունդից վախ) կարող են հեշտությամբ բուժել:
The Ivy (Լոնդոն, Անգլիա)
Լոնդոնում ռեստորանները նույնքան արագ են վեր բարձրանում, որքան արագ իջնում են անդունդը, իսկ այ թատրոնասերների ընտրած The Ivy-ին, ըստ երևույթին, ոչինչ չի սպառնում: Այստեղ մերիտոկրատիա չեն խաղում. հայտնիների հետ մեկտեղ « The Ivy»-ում կարող են ճաշել նաև հասարակ մարդիկ: Հիանալի «օլդսքուլային» խոհանոցը լիովին փոխհատուցում է ամրագրման համար վատնած ջանքերը:
Minibar в Cafe Atlantico (Վաշինգտոն, ԱՄՆ )
Խոհարարական համեղ ուտեստների նորարարական ճաշացանկը՝ ստեղծված Ամերիկայի ամենասիրելի խոհարարների կողմից, և ընդամենը վեց հասանելի վայրը այս ռեստորանը դարձնում են աշխարհում ամենադժվար հասանելի ռեստորաններից մեկը: Խոսե Անդերսի տաղանդը՝ նրա ունակությունները մոլեկուլային մթերքների մեջ և խաղարկային երևակայությունը նպաստում են նրան, որ «Մինիբարի» հաճախորդները մշտապես հեռանան գոհ և $125 դոլարով աղքատացած:
Aronia De Takazawa (Տոկիո, Ճապոնիա)
Aronia De Takazawa ռեստորանում ընդամենը երկու սեղան է՝ նախատեսված ութ մարդու համար: Սեփականատերերը նույնիսկ մտադիր չեն ընդլայնել տարածքը, քանի որ, նրանց կարծիքով, սնման մշակույթում կարևորը մտածողությունը և մանրամասն պատրաստվածությունն է, ոչ թե հոսքագիծը: Երջանիկները, ում հաջողվել է հայտնվել ռեստորանում, կարող են հետևել, թե ինչպես է ավագ խոհարարը պատրաստում իրենց պատվերը:
Tetsuya’s (Սիդնեյ, Ավստրալիա)
«Ավստրալիացի ճապոնացու»՝ Տեցուա Վակուդայի Tetsuya’s ռեստորանը իր գործունեության քսան տարիների ընթացքում մեծ հարգանքի է արժանացել «elite» դասի համաշխարհային ռեստորանային արդյունաբերության ոլորտում: Դա իսկական խոհարարական ստանդարտ է. 10 ճաշատեսակներից բաղկացած համտեսման ընթրիք, այդ թվում՝ թթվեցրած թասմանյան օվկիանոսային կարմրախայտ՝ շականագագույն ջրիմուռներով, ճապոնական բողկով և սամիթով: Այդ ամենը ընդամենը՝ $200 դոլար:
French Laundry (Յոնտվիլլ, ԱՄՆ)
Կալիֆորնիայի Թոմաս Կելլերի հանրահայտ ռեստորանը նախկինի պես համարվում է լավագույնը ԱՄՆ-ում: Չնայած համտեսման ճաշացանկը արժե $270 դոլար, դա չի խանգարի այցելուներին վայելել «Ֆրանսիական լվացքատան» ուտեստները, որպեսզի հետո գլուխ գովան այս մասին իրենց ծանոթների մոտ: Հատկանշական է, որ պարոն Կելլերը զբաղվում է ամերիկյան դասական և բարդ ֆրանսիական խոհանոցների միաձուլումով:
Le Comptoir du Relais (Փարիզ, Ֆրանսիա)
Այս փոքրիկ ռեստորանը բացել է Իվ Կանդեբորը 2005 թվականին: Ամեն օր 20:00-ից հետո ավագ խոհարարը կազմակերպում է համտեսային ընթրիք ՝ կազմված հինգ ուտեստներից (50 եվրո), որոնք ամեն օր փոխվում են: Հաստատապես կարելի է սպասել պանրի զամբյուղին, ինչպես նաև՝ պիրենեյան կամ բասկյան խոհանոցի ինչ-որ ուտեստ: Սա անկրկնելի ատրակցիոն է, որը անմիջական կապ ունի բարձրակարգ խոհանոցի հետ:
Rao’s (Նյու Յորք, ԱՄՆ)
Rao’s ռեստորանը մեծ համբավ ունեցավ այն բանից հետո, երբ 1970-ական թվականներին հայտնվեց «New York Times»-ի էջին: Մինչև այդ պահը այս հաստատությունը եղել է աննկատելի՝ չնայած մատուցվող հիանալի նեապոլիտանական ուտեստներին: Ռեստորանը այնքան հայտնի է, որ 10 սեղաններից մեկը այժմ գրեթե «պատկանում» է ինչ-որ մեկին և անցնում է ժառանգաբար: Այդ երջանիկները հազվադեպ են իրենց տեղը զիջում սովորական մահկանացուներին:
Fat Duck (Բրեյ, Անգլիա)
Ավագ խոհարար Հեսթոն Բլյումենտալին անվանում են «խոհանոցային ալքիմիկ», քանի որ նա կարողանում է իսկական հրաշքներ կատարել: «Յուղոտ բադը» դրա վառ ապացույցն է: Տարօրինակ կառույցը բավականին համեստ ինտերիերով պահպանում է մոլեկուլային խոհանոցի իսկական համերի և հոտերի հրաբուխ (մեկ անձը £195 ֆունտ ստերլինգ)՝ աղավնիներով խմորեղեն, նարինջի համով կարմիր դոնդող և բազուկի համով նարինջներ…
Noma (Կոպենհագեն, Դանիա)
Կոպենհագենում ավագ խոհարար Ռենե Ռեդզեպի կողմից բացված Noma ռեստորանը շատ քննադատների կարծիքով աշխարհում լավագույնն է համարվում: Այստեղի խոհարարական հրաշագործները կարողանում են իդելական կերպով համատեղել տեղի և սեզոնային մթերքները, որը սովորական ճաշարանը դարձրել է մոլորակում երրորդ ամենաշատ այցելվող և հայտնի ռեստորաններից մեկը և ակնհայտ կերպով բարձրացրել է դանիական խոհանոցի ճանաչվածությունը: