Էդինբուրգի բնակիչները ուրախ չեն օտարերկրյա զբոսաշրջիկների հոսքի աճին
Էդինբուրգի իշխանությունները պատրաստ են հետևել Վենետիկի օրինակին և մի շարք խիստ վարքականոններ մտցնել զբոսաշրջիկների համար։
Հաճախ այս կամ այն քաղաքի չափազանց պոպուլյար լինելը տեղաբնակների համար առաջացնում է մի շարք անհարմարություններ։ Այսպիսով, Վենետիկի և Բարսելոնայի հետքերով մեծ զբոսաշրջահոսքից սկսել են դժգոհել նաև Էդինբուրգի բնակիչները։
Շոտլանդիայի մայրաքաղաքի բարգավաճող տուրիզմի արդյունաբերությունում, որն ամեն տարի երկրին բերում է շուրջ 1,5 միլիարդ ֆունտ ստերլինգ գումար, ներգրավված է ավելի քան 38 000 աշխատակից։ 2017 թվականին Էդինբուրգ այցելած օտարերկրյա զբոսաշրջիկների թիվը հասել է 4 միլիոնի։
Առաջին հայացքին դա պետք է միայն ուրախացնի տեղաբնակներին, քանի որ այդ ցուցանիշը բարձրացնում է կենսամակարդակն ու ազդում նրանց բարեկեցության վրա։ Սակայն դա ունի նաև իր բացասական կողմը։
Օտարերկրյա զբոսաշրջիկների չափազանց մեծ հոսքը հանգեցնում է խնդիրների հասարակական տրանսպորտի աշխատանքում, ռեստորաններում և հասարակական այլ վայրերում տեղի բացակայության, քաղաքի աղտոտվածության և այլնի։ Այդ պատճառով տեղական իշխանությունները պատրաստ են հետևել Վենետիկի օրինակին և մի շարք խիստ վարքականոններ մտցնել զբոսաշրջիկների համար։ Նման նորարարություններ կներդրվեն արդեն 2018 թվականին։