Ժնևը գլխովորում է ամենաթանկարժեք գարեջրով քաղաքների վարկանիշային աղյուսակը։ Այդ մասին վկայում են Go Europe կայքի հրապարակած վարկանիշային աղյուսակի տվյալները։
Ինչպես նշում է Lenta-ն՝ շվեյցարական քաղաքի բարում մեկ շիշ գարեջուրը ճանապարհորդներին կարժենա 6,32-10,77 դոլար։ Ալկոհոլը խանութից ձեռք բերելու դեպքում կարժենա 1,87 դոլար։ Երկրորդ տեղում հայտնվել է Հոնգկոնգը․ այնտեղ գարեջրի միջին արժեքը կազմում է 6,16 դոլար։ Երրորդ տեղում Թել Ավիվն է (գարեջրի միջին արժեքը՝ 5,79 դոլար)։
Ամենաթանկարժեք գարեջրով քաղաքների հնգյակում հայտնվել են նաև Օսլոն (5,31 դոլար) և Նյու Յորքը(5,20 դոլար)։ Ցանկի տասներորդ տեղում Սիդնեյն է (շշի միջին արժեքը կազմում է 4,46 դոլար)։ Մոսկվան զբաղեցրել է 19-րդ տեղը (3,98 դոլար)։ Վարկանիշային աղյուսակի տվյալներով՝ ամենամատչելի գարեջուրը կարելի է խմել Կրակովում․ այնտեղ միջին արժեքը կազմում է 1,66 դոլար։
Վարկանիշային աղյուսակում հայտնվել են աշխարհի 75 քաղաք։ Համեմատվել են հինգ հայտնի ապրանքանիշի 0,33 լիտր ծավալով գարեջրերի և մեկ տեղական գարու ըմպելիքիի գները։ Ռեյթինգի հեղինակները համեմատել են նաև գները բարերում և խանութներում, հանել միջին արժեքը և դասակարգել քաղաքները աճման կարգով։