AirlineRatings.com-ը` աշխարհում միակ կայքը, որը ներկայացնում է ավիաընկերությունների վարկանիշային աղյուսակը ըստ անվտանգության և սպասարկման որակի, ներկայացրել է 2013 թվականի 10 ամենաանվտանգ ավիաընկերությունները 448 ավիաընկերություններից, որոնք մոնիթորինգ են անցնում կայքում:
Թոփ-10-ը գլխավորում է Qantas ավիաընկերությունը, որը 1951 թվականից սկսած չի ունեցել ոչ մի ճակատագրական պատահար: Աշխարհում լավագույնն են ճանաչվել նաև Air New Zealand, Emirates, Singapore Airlines, Etihad Airways, Cathay Pacific, Korean Air, Virgin Atlantic և Eva Air ավիաընկերությունները:
Միևնույն ժամանակ անվտանգության յոթ աստղ է ստացել նաև աշխարհի 137 ավիաընկերություն, այդ թվում` ռուսական « Աերոֆլոտ»-ը և «Տրանսաէրո»-ն: Եվ միայն 50 ավիաընկերություն ունի անվտանգության 3 կամ ավելի քաիչ աստղ: Վիճակագրության համաձայն` 2013 թվականը ամենաանվտանգ տարին է եղել` սկսած 1945 թվականից: 2013 թվականին գրանցվել է 29 պատահար, զոհվել է` 269 մարդ: