Թաքնված քանդակներ, յուրահատուկ թանգարաններ, արտառոց դիմակահանդես. «Եվրոպայի սիրտը» դեռ ունի անակնկալներ, որոնցով կարող է զարմացնել փորձառու ճանապարհորդներին:
Սրճարան Cukrkavalimonada
Երբ ինչ-որ քաղցր բան ես ցանկանում Պրահայում, պետք է գնալ Մալա Ստրանա շրջանի Cukrkavalimonada հաստատությունը, որտեղի տաք շոկոլադը պարզապես անհնար է մոռանալ, իսկ երբեմն էլ` մինչև վերջ խմել: Այն պատրաստվում է 70%-անոց շոկոլադից: Այս թանձր շոկոլադը կարելի է համտեսել գունավոր մակարոնե թխվածքաբլիթի հետ և հիանալ միջնադարյան առաստաղի ժամանակակից արվեստով:
Մանրակերտների թանգարան
Այս փոքրի թանգարան այցը դուր կգա ոչ միայն երեխաներին, այլև մեծահասակներին: Այստեղ կարելի է դիտել մանրադիտակով և նման այլ խոշորացնող գործիքներով, օրինակ, ոսկե կոշիկներով լվին կամ ասեղի անցքով անցնող մանր ուղտերին:
Քաղաքային դայվինգ
Պրահայում գործում է արկածասերների մեծ համայնք, ովքեր հետաքրքրված են Վլտավա գետի պղտոր ջրերում սուզվելով` փնտրելով գանձ Կարլի կամրջի շուրջ:
Yasmin հյուրանոց
Պրահային բազում դասական և դիզայներական հյուրանոցների մեջ դժվար է գտնել լավագույնը: Yasmin հյուրանոցը առաջին հերթին գրավում է իր հումորի զգացումով, սկսած նրանից, որ սովորական անվան և լոգոյի փոխարեն այստեղ կիրառվել է տերևի պարզ պատկեր:
Բոհեմային շիկ Karoliny Svetle-ում
Այլընտրանքային մշակույթը Պրահայում հիմա տեղակայված է Karoliny Svetle փողոցում Նարոդնի շրջանի հյուսիսում. ամենախելահեղ բուտիկից սկսած, մինչև ամենատարբեր ռեստորանները: Այստեղ են Toalette բուտիկը (շենք №9), որտեղ հագնվում են Pavla&Olga-ի (շենք № 30) բոլոր չեխ (և ոչ միայն) սուպերմոդելները, աֆղանական Kabul ռեստորանը, լատինական Duende բարը (www.barduende.cz) և հինգաստղանի Pachtuv Palace հյուրանոցը:
Qubus և Modernista խելահեղ խանութները
Այս երկու խանութները ունեն գրեթե միանման տեսականի, որը էապես տարբերվում է Պրահայի ավանդական հուշանվերների խանութներից: Այստեղ չկա ավանդական բյուրեղապակի, փոխարենը կա ճենապակի և դրանում մարմնավորած հումոր. կերամիկական «մեկանգամյա օգտագործման» բաժակներ, ծաղկամաններ, Skoda մեքենաների ճենապակե արձաններ: Այստեղ նաև կարելի է գտնել Bauhaus ոճի և 1920-ական թվականների դասական սպասք:
Դիմակահանդես Ժիժկովում
Կոմունիզմի կողմից արգելված չեխական Masopust փառատոնը 1993 թվականից կրկին անցկացվում է Ժիժկով շրջանում: Հետագայում հինգօրյա տոնի ավանդույթը տարածվել է Չեխիայի մյուս քաղաքներում ևս, սակայն կենտրոնը շարունակում է մնալ Ժիժկովը: Սա իսկական կառնավալ է փողոցային թատրոններով, երաժշտությամբ, անվերջանալի դիմակահանդեսով, հրավառությամբ, անվճար գարեջրով և խոզի տոտիկներով:
Կուբիզմ ոճով աշխարհի միակ լուսարձակը
Ինչ է տեղի ունենում, երբ չեխ դիզայներները պայքարի մեջ են մտնում կուբիզմի հետ 3D-ում: Անկասկած, ստացվում է բացառիկ ժանր. կոտրված ժամացույց, բյուրեղյա տուփեր, սարդի ոտքերով բազկաթոռներ, բետոնե տներ և անճոռնի լուսարձակ (այս գլուխգործոցը թաքնված է Նովո Մեստո շրջանի Bata կոշիկի խանութի ստվերում):
Դավիդ Չերնի քանդակները
Նրա ամենահայտնի աշխատանքը հսկա նորածիններն են, ովքեր չոչում են Ժիժկովի հեռուստաաշտարակի մոտ: Բայց նա «թաքցրել է» մի շարք հետաքրքիր թակարդներ Պրահայի ողջ տարածքում: Օրինակ` Վալցավյան հրապարակի դասական ձիու արձանը կամ երկու կառավարվող ռոբոտները, ովքեր «թեթևանում են» հայտնի ստեղծագործություններով. նրանց նույնիսկ կարելի է ուղարկել կարճ հաղորդագրություններ, որոնք նույնպես «կգրվեն»:
Աղմկոտ Վինոգրադի
Պրահայի գիշերային կյանքը բնավ չի սահմանափակվում հարբած երեկույթներով Վացլավյան հրապարակում: Ոչ հեռու` 10 րոպե հեռավորության վրա, Վինոգրադի շրջանում մեկ քառակուսի կիլոմետր տարածքի վրա տեղակայված են բոլոր գլխավոր գեյ-ակումբները` երեքհարկանի Valentino սուպեր-ակումբի և Termix աղմկոտ ակումբների գլխավորությամբ:
